¿Futbolba ẽbẽrarã ãbua duanabii ɓue? ¿Chi Bibliaba kãare jara ɓua?

Ãrĩã ẽbẽrarã joma nau iujãaɗebenaba ochiaɗai ɓuu chi Copa Mundial chi FIFA ɗebena, mau empezaburuu chi 20 noviembreɗe 18 diciembreɗaa 2022ɗebena. Ẽbẽrarã ãrĩãrãba kʉ̃risia panuu cha nau fútbol jemeneyu ãbua ochiai baitaburuwẽe.

• “Futbolɗeeba chi ẽbẽrarã ãchia kʉ̃ria duanuu asebi ɓua mauɗe ara mauɗeeba joma ãbua duanabi kʉ̃ria ɓua, futbolba ãchi chiya kʉ̃riabi kʉ̃ria” (Nelson Mandela, presidente baɗa Sudafricaɗe).

• “Futbolba [...] araa ãbua duanabi kʉ̃ria waa junebena parteɗe duanuurã siɗa, mauɗe chi ẽbẽrarã joma kĩrajʉʉ duanaɗai baita” (Gianni Infantino, presidente FIFA ɗebena).a

¿Futbolba ẽbẽrarã ãbua duanabii ɓue? ¿Kãareba ẽbẽrarã ãbua duanabii ɓua?

¿Chi futbolburu ẽbẽrarã ãbua duanabii ɓue?

Nau añoɗe ẽbẽra ãrĩãrãba atua jarabadau chi mundialɗebena. Chi nuree kʉ̃risia panuuɗeeba ãchi aude nuree junebena puuru kãyabãra, mauɗe ẽbẽrarã ãrĩã mau kakua supriɗapeɗa mauɗe chi nejarra adaui baitaburu kʉ̃risia panuuɗeeba.

Maka ɓuu adua, chi ɓeeba kʉ̃risia panuu futbolba ẽbẽrarã ãbua duanabi kʉ̃ria ɓuu amikorã kĩra, maka ɓumina amikowẽe, bari waya miobadaurã́turu. Chi Bibliaba jara ɓuu jãu jãka ãbua duanapeɗa waya miobadau cha nau “último diaɗaa” jãka koɓeeyu jara ɓua (2 Timoteo 3:1-5).

Cha nau ẽbẽrarã ãbua duanabii baita

Chi Bibliaba jara ɓuu chi ẽbẽrarã ariɗe ãbua duanaɗai baita “Dachi Akõre Kobierno neeɗakare” (Lucas 4:43; Mateo 6:10).

Jomaurã nau iujãaɗe ãbua duanaɗayua chi Jesusburu uneeyua nau iujãaɗaa. Chi Bibliaba jara ɓuu:

• “Ɓoapeɗa chi jipa nii nepono kĩra ʉtaa wariburuu pazɗeburu duanaɗayua” (Salmo 72:7).

• “Ichia karebayua mia chuburi bia duanuu aiɗabiɗayua [...]. Karebakuayua chi sufri duanuu kachirua kuɓuuɗebena” (Salmo 72:12, 14).

Iɗibea biɗa chi ẽbẽrarã joma nau iujãaɗebena ãbua duanaɗai ɓuu chi Jesusba jaraɗeɗakaɗa baɗa bẽrã. Aude kawa kʉ̃ria ɓuubʉrã leas naarã articulorãɗebena “Rompamos el ciclo del odio”.