¿Sakayua chi politicaba ãyaa kʉ̃risiabi ɓua ẽbẽrarã? ¿Chi Bibliaba kãare jara ɓua?

Nau iujãa jomauɗe kabanaa ẽbẽrarãba biʼiawẽe kʉ̃risiabadau politicaɗebena. 2022ɗe ẽbẽrarã 19 puururãɗebenamaa nau ʉ̃rʉbena wiɗisiɗau. Ãchi chiya chi berreasiɗau política kakua a jarasiɗau diwarau partido político ome duanuuɗeeba.

¿Bichi ɓoabariimare ẽbẽrarã ãrĩã chĩobadae política kakua? ¿Sakayua? ¿Mau acaba ɓoobaaka? ¿Chi Bibliaba kãare jara ɓua?

¿Sakayua ẽbẽrarã ãrĩã chĩobadaa política kakua?

Chi Bibliaba jaraɗaa iɗibea último diarãɗe abadau chi ẽbẽrarã kachirua asekuaɗayua ãbua duanaɗawẽa.

• “Maamina bichia kuitaabaraai último diarãɗe tiemporã, chaarea ɓee neebudaa mauɗe chi saka choroai unuubai. Ẽbẽrarã ãchi du aɓaburu kʉ̃ria duanaɗaiɗeeba, [...] waabenarãba jaraaduu ũriɗaabai” (2 Timoteo 3:1-3).

Kobernanterãba paz kʉ̃ria panuumina, mau chaarea ɓuma, chi nuree ẽbẽrarãba kʉ̃risia panuu ãbua trajaɗakaa chi problema arreglaɗai baita diwarau kʉ̃risia panuuɗeeba. Jãu Bibliaba jara ɓoosii kĩra ɓua.

• “Chi ẽbẽraba waabenarã ẽbẽrarã koberna ua ɓuuɗe istu daño ase ɓua” (Eclesiastés 8:9).

Maka ɓumina Bibliaba jara ɓuu kobierno neeyua ẽbẽrarã waa sufriɗaabai.

Líder biʼia niiba waabenarã ʉ̃rʉbena kʉ̃risiabarii

Bibliaba jara ɓuu líder biʼia ichi kĩraka wãʼãe, ichira kuitaa ɓuu saka biʼia duanabii baita, cha nau líder Jesucristobʉ. Ichi poder mauɗe autoridad ɓuma, kĩrukaraaɗawẽa duanaɗai baita.

• “Ɓoapeɗa chi jipa nii nepono kĩra ʉtaa wariburuu pazɗeburu duanaɗayua” (Salmo 72:7).

• Salmo 72:11ba jara ɓuu kĩra: joma ẽbẽrarã ichi baita trajaɗayua.

Jesús chi líder aude biʼia ɓuu mauɗe ẽbẽrarã ãrĩã sufribadau bẽrã, ichia aiɗa kʉ̃ria ɓuu.

• Salmo 72:12-14ɗaa jara ɓuuɗeebara, ichia karebayua chi poore kiruree, chi istu duanuu mauɗe chi barikia kiɗii aiɗayua.

Aude kawaba Dachi Akõre Kobierno ʉ̃rʉbena, saka nau kobiernoba bichi aiɗai ɓua mauɗe bichi saka nau kobierno ome ãdai ɓua.

• Ochias chi video ¿Kãareba mau Dachi Akõre Kobierno?

• Leas chi artículo “El Reino de Dios: un gobierno sin corrupción”.