Terremoto mechibena kuabaɗa baɗa Turquía mauɗe Siriaɗe: ¿Kãare jara ɓua Bibliaba?

Chi lunes 6 febreroɗe 2023ɗebena, ioro mechibena kõpetasiiba Turquía mauɗe Siriaɗe.

• “Nau lunes basiiɗe, 3.700 aude ẽbẽrarã biusiɗau chi ioro kõpetatasii Turquiaɗe mauɗe noroeste Siriaɗebenaɗe. Chi ẽbẽrarã puʼua neepeɗaaɗa mauɗe deswãe ɓeepeɗaaɗa. Maarã siɗa ãrĩã sufrimaa panuma kũrasãa ãrĩã kuɓuuɗeeba, jãuɗeeba chaarea ɓuu unuɗai baita chi chokae ɓeepeɗaaɗa” (Reuters, 6 febreroɗe 2023ɗebena).

Dai ãrĩã nomaa duanuu nau ʉ̃rʉbena leabudauba. Naka pasaburuuba wiɗiɗai ɓua Jeowamaa dachi aiɗabiɗayua, ichi “dachi kĩra chuburiabariiɗeeba” (2 Corintios 1:3, Biblia Chamí, WPS.). Ichia berekabarii “chi ɓʉ kuɓuuba dachi kĩra chuburiabariiɗeeba dachia ne bia uruuburuu espera nureaɗayua” (Romanos 15:4).

Bibliaɗe nau kawaɗai ɓua:

• Chi naeɗe jaraɗa baɗa chi ioro kõa wãyuɗebena.

• Kãare aseɗai ɓua dachi chuburiabiɗayua mauɗe biʼia kʉ̃risiaɗayua chi uruuɗebena.

• Kãare aseiba Dachi Akõreba joma dachi sufri duanuuɗebena acabai baita.

Maucha kawa kʉ̃ria ɓuubʉrã chi Bibliaba jara ɓuu naarãɗebena, nau articulorã leaba:

• Grandes terremotos: ¿qué fue lo que predijo la Biblia?

• ¿Dónde hallar esperanza?

• Dios pronto acabará con el sufrimiento