Chi cientificorãba jarabadaa nau iujãa acabaiɗaa iru ɓuu: ¿Bibliaba kãare jara ɓua?

24 de enero 2023ɗe, chi cientificorãba jarabadaa ɓistĩika falta ɓuu chi iujãa acabai baita. chi relojba unubi ɓuu chi iujãa acababuruuɗeeba.a

“Martesɗe, chi relojba unubi ɓuu chi iujãa acababuruu, chi cientificorãba kuɓusiɗau chi reloj media noche kaita guerra Ucraniaɗebena culpaɗeeba, bomba atomicaɗeeba mauɗe ãrĩã che kuɓuuba o ãrĩã wãsia kuɓuuba” (Servicio internacional de noticias de la agencia AFP).
“Chi cientificorãba jarasiɗau martesde, chi relojba unubi ɓuu chi iujãa acababuruuɗe 90 segundos falta kuɓuu media noche baita, jãu ara kaita kuɓuu nau iujãa acababuruu” (ABC News).
“Cientificorã país ãrĩãɗebenarãba jara panuu jãabera ãrĩãdu naeɗebena kĩra chi iujãa acababuruu” (The Guardian).

¿Ara nauɗe acababurubaaka chi ẽbẽrarã mauɗe chi iujãa baara? ¿Makarã peraɗayue chi pasaaruu kakua? ¿Kãare jara ɓua Bibliaba?

Chi esperaɗayu uruuɗebena

Bibliaba jara ɓuu “chi iujãa acabaabayu” mauɗe baraayua ẽbẽrarã “nau iujãaɗe waaburu biuɗawẽa duanaɗayua” (Eclesiastés 1:4; Salmo 37:29). Mauɗeeba ẽbẽrarã cha nau iujãa acabaɗaabayua, iujãaɗe ẽbẽrarã vivi nureaɗayua.

Maka ɓumina Bibliaba jara ɓuu chi ɓee acabayu. Naka jara ɓuu, “nau iujãa kachirua [...] wãʼãe bai” (1 Juan 2:17).

Maucha kawaaruu kãare jara ɓua chi Bibliaba nau iujãa acabaaruuɗebena, leas chi artículo “¿Se acerca el fin del mundo? ¿Qué es el apocalipsis?”.
Kawayua kãare pasayu chi uruuɗe, leas chi artículo “¿Cuándo será el fin del mundo?”.

Chi biʼia ɓuudu kʉ̃risia ɓooyua

Bibliaba dachi aiɗa ɓuu chi biʼia ɓuudu kʉ̃risiayua dachi iujãa kachirua pasa kuɓumina. ¿Saka aiɗai ɓua?

Bibliaba consejo bia dea ɓuu (2 Timoteo 3:16, 17). Kawa kʉ̃ria ɓuubʉrã Bibliaba saka aiɗai ɓua chi biʼia ɓuudu kʉ̃risia ɓooyua chi kachirua pasa kuɓumina, leas chi artículo “Qué puedo hacer para no preocuparme tanto”.
Biblia biɗa maucha jara ɓuu chi biʼia ɓuu uruburuu (Romanos 15:4). Jara ɓuu kãare pasaburuu ara nauɗe mauɗe chi pasaburuu uruuɗebena siɗa, jãuba dachi ãrĩã biʼia kʉ̃risiabi ɓua.

Maucha kawayua Bibliaɗebena, bichi dai baara Biblia estudiai ɓua dai programa Bibliaɗebena kawayua bichi baitaɗeeba.

a “Chi relojba unubi ɓuu chi iujãa acababuruu reloj kĩra ɓuu, unubi ɓuu chi ẽbẽramaa ɓiɗĩikaburu falta kuɓuu chi ẽbẽraba iujãa acababuruu, bariara chi reloj maka ɓuuwẽe, nauba dachimaa kʉ̃risiabi ɓuu chi iujãa cuidaɗayu acababiɗaamaaba” (Bulletin of the Atomic Scientists [Boletín de Científicos Atómicos]).