¿Kãareba mau ẽbẽrarã ãrĩã mia mechibena sufriɗayu?

Chi Bibliaba jara ɓuu

Día ẽbẽrarã ãrĩã mia mechibena sufriɗayu jãu diarãɗe ẽbẽrarã ãrĩã supriɗayua, naeɗe jãka sufriɗakabasia. Chi profecía Bibliaɗebenaba jara ɓuuɗeebara, jãu pasayua “chi kaaɗebena ewariɗe” maebʉrã “acabaiɗea ira ɓuuɗebena” (2 Timoteo 3:1; Daniel 12:4). Marcos 13:19ba jara ɓuu: “mau ewariɗe ẽbẽrarã ãrea biʼiwãe panaɗai. Dachi Akõreba nau iujãa wausiiɗeeɗebena ẽbẽrarã mau kĩra ãrea biʼiwãe panaɗaabasii mauɗe nau maaɗakare mau kĩra biʼiwãe panaɗaabai” (Daniel 12:1; Mateo 24:21, 22, Biblia Chamí, WPS.).

¿Saka pasaiba chi día ẽbẽrarã ãrĩã mia mechibena supriɗayu neeburuuɗe?

• Acabayua chi religión setaa jarabadauɗebena. Chi religión setaa jarabadaurã aɓaeɗe acabakuayua (Apocalipsis 17:1, 5; 18:9, 10, 21). Chi gobiernorãba, Naciones unidasɗebenaɗeeba, jãu asebudauɗe asemaa panuu Dachi Akõreba jaraɗa baɗaka (Apocalipsis 17:3, 15-18).a

• Jãarãba acabaɗai kʉ̃ria panuu chi religión biawãra jaradeabadaumaa. Ãrĩã puuru, Bibliaɗe chi Ezequielɗe jara ɓuu “Gog drua Magogɗebena” jarabadau, jãarãba acaba kʉ̃ria panuu chi religión biawãra jaradeabadau. Maka ɓumina Dachi Akõreba idaarabiibai ichiɗe kenakuabii (Ezequiel 38:1, 2, 9-12, 18-23).

• Juzgaɗayua chi Iujãaɗe nureerãmaa. Jesusba juzgayua ẽbẽrarãmaa, ichia aɓaaɓaa awara ɓui, oeja ochiabariiba ichi oeja cabra ome ãbua panaɗa awara bʉebarii kĩra (Mateo 25:31-33). Cristoba salvakuayua ichi “ãbarãmaa” aiɗapeɗaaɗara, jari jara ɓuu ichi ome gobernaɗayua ʉtʉ bajãaɗe (Mateo 25:34-46).

• Ãbua duanaɗayua Jesús ome gobernaɗaibʉrã dachi Akõre gobiernoɗe. Dachi Akõreba joma jʉrʉɗa baɗa Jesús ome gobernaɗai baita, ãchirã wãɗayua ʉtaa bajãaɗaa duanaɗai baita (Mateo 24:31; 1 Corintios 15:50-53; 1 Tesalonicenses 4:15-17).

• Neeyua chi Armagedón. Bibliaba jara ɓuu siɗa, Armagedón a ɓuu “Dachi Mechiu ome chĩoɗe wãɗamera chi Dachi Akõre joma [...] [Poder Bara nii] kastikai ewariɗe” a ɓuu, maebʉrã “Jeowaba kastikai diaɗe” (Apocalipsis 16:14, 16; Biblia Chamí, WPS., Isaías 13:9; 2 Pedro 3:12). Jesusba kenakuayua kachirua nureerã chi Jeowaba kastikai día neeburuuɗe (Sofonías 1:18; 2 Tesalonicenses 1:6-10). Mauɗeebiɗa, acabakuayua chi gobernanterãmaa, Bibliaba jara ɓuu chi ãnimara kachirua ãrĩã ɓuu 7 boro nii (Apocalipsis 19:19-21).

¿Kãare pasayua chi día ẽbẽrarã ãrĩã mia mechibena sufriɗakare?

• Jidauɗayua Satanás mauɗe demoniorãmaa biɗa. Chi ángel mechia niiba Satanás mauɗe demoniorãmaa juatayua “eakarrɗaa” (Apocalipsis 20:1-3). Ãchi jamaria apii paneeɗayua ɓiɗĩika biɗa dodomiaɗaabayua biupeɗaaɗa kĩra. Eakarr akare kuɓuu kĩrabara carcelɗe ɓuu kĩra, makarã jãmabena Satanás awara poyaa neebayua jãabera ẽbẽrarãmaa cosa miadaa asebiibai (Apocalipsis 20:7).

• Jãmabera mil año erdauburua. Jãu tõpe waa Jesusba goberna koɓeeyua mil añoɗe, jãuba eneeyua chi biʼia ɓuu ẽbẽrarã baita (Apocalipsis 5:9, 10; 20:4, 6). Chi iujãaɗe kabanaa ẽbẽrarã chokae duanaɗayua, ãchia unuɗayua Jesusba goberna koɓeeburuu mil añoɗeeba (Apocalipsis 7:9, 14; Salmo 37:9-11).