¿Sakaeɗe nãu ĩũjã mipitaakiruɗe baiba?

Nãu joma naka ũnuduanuuba kawapanua chi Reino arakaitaɓuu (Lucas 21:10, 11; 2 Timoteo 3:1-5)

Yataɗeɗe, Bibliaba jaraɗabasia cha iɗi nejoma ũnuduanuu ɗebena. Chi warrarãba ãkõrẽrã beɗea ũrĩɗaẽbayu, ẽbẽra kachiruaburu nũreai, chinejar kʉ̃rĩaɗai ɗebena, maũɗe nejoma chi biaɓee kaɓee waubaɗau ɗebena jaraɗabasia.

Maũɗe nãu siɗa jaraɗaa, iurumiarã, ãchicha beabaɗau ɗebena, jarbisia ɗebena, ẽpermaɗai ɗebena. Joma jaraɗaa nãu iɗi ũnuɗayu.

Jesusba nakaɗabasia nãu ĩũjã jomaũɗe Dios Reino ɗebena jaraduanuai (Mateo 24:14).

Dios Reinoba joma nekachirua newaẽbiyʉa (2 Pedro 3:13)

Jeowaba nãuɗe kenai joma ẽbẽrarã kachiruarã.

Diablo ichi demoniorã baara biɗa kenai.

Diosɗeburu ũrĩbabakirureara nũrepaaɗe wai ĩũjãɗe, ãchicha kʉ̃rĩaɗapeɗa, aɓau õme biʼia nũrepaaɗe wai, jipa nũreai, ni wabeaweã maũɗe waraɗe ĩjãi.