BEƊEA 10
¿Saka kuitaaɗaima sãu chi relijion ariɗe jaradeaɓuu?
1. ¿Dachi Akõreba bustabaree joma relijona barau?
“Kaubaa chi Dachi Akõre ʉ̃rʉbena setaa jaradeanuree ome” (MATEO 7:15).
Jesusba ichiɗe ijãanureemaa jaradeɗekasia aɓaburuɓuu relijion ariɗe jaradeaɓuu. Ichia jarasii chi mau relijion o kĩraka ɓua dachirã waa biuɗaabaiɗe nureaɗayua, maamina ɓãarãuburu unupanuu (Mateo 7:14). Dachi Akõreba kʉ̃riaɓura ichi beɗea ũriɗai Bibliaɗe eɗa jaraɓuu. Chi mau aseduanuu aɓaɓuu relijionɗeburu ambuaduanua. Juan 4:23, 24; 14:6; Efesios 4:4, 5 leas.
2. ¿Kãare jarasaa Jesusba chi Dachi Akõreɗebena setaa jaranureabarii ʉ̃rʉbena?
“Wabenarãmaa Dachi Akõre ʉ̃rʉbena kuitaanureaɗe abadaa, maamina ãchia asekopanuuba unubipanuu Dachi Akõre kʉ̃riaɗakau” (TITO 1:16).
Jesusba jaraɗabasia chi ichiɗe ijãanurerã chi nuree awara wãuriɗapeɗa añaa jaraɗe wãɗai ʉ̃rʉbena jarasia. Ãchia Jesusɗe ijãanuree aɗapeɗa jarabadaa maamina añaaburu asebadau. Ariɗe jaraduu kĩra panuumina ẽbẽrarãmaa, ãchia jãka setaa jarapanuu. Chi Jesusɗeburu ijãanurerãba ariɗe aseduanua ara jãka Bibliaɗe eɗa jaraɓuu kĩra, chi relijion ariɗe jaradeaɓuu asebadaa. Mateo 7:13-23 leas.
3. ¿Saka kawaɗaiba sãu chi relijion ariɗe jaradeaɓuu ʉ̃rʉbena?
Chi relijion ariɗe jaradeaɓuuɗe duanuurãba naarã 5 kosarã asebadaa:
Chi Biblia respetabadaa Dachi Akõre beɗeaɓuuɗeeba. Ẽbẽrarãba jarapanuuɗe ijãabiɗaamaba, berekabadau ãchia aseɗayua Bibliaɗe eɗa jarakuɓuura (Mateo 15:7-9). Mauɗe ãchia chi jaradeapanuu ara jãka asebadaa. Juan 17:17; 2 Timoteo 3:16, 17 leas.
Dachi Akõre trʉ̃, Jeowa siɗa respetabadaa. Jesus biɗa naka asesia ichia ichi Akõre trʉ̃ jaradeasiiɗe. Jeowa trʉ̃ ʉ̃rʉbena atua jarabiaamaba wiɗiɗai baita ichia jaradeɗekasia ẽbẽrarãmaa (Mateo 6:9). Bichi ɓoabariimaa, ¿sãu relijionba Dachi Akõre trʉ̃ jaradeapanaa? Juan 17:26; Romanos 10:13, 14 leas.
Dachi Akõre Kobierno ʉ̃rʉbena jaradeapanua. Dachi Akõreba Jesus iujãaɗaa buesii aria ichi Kobiernoɗebena biʼia jarai baita. Jãu Kobiernoburu ẽbẽrarã problemarã akabayua. Jesusba jãu ʉ̃rʉbena jaradeasia ichi biusiiɗaa (Lucas 4:43; 8:1; 23:42, 43). Mauɗe ichia jarasii ichiɗe ijãanuree biɗa jãu Kobiernoɗebena jaraɗe wãɗai. Ẽbẽra bichimaa Dachi Akõre Kobierno ʉ̃rʉbena jaraɗe wãruubʉrã, ¿kãare relijionɗebena bama? Mateo 24:14 leas.
Dachi Akõreɗe ijãaɗakaurãba kachirua asebadau kĩra aseɗakaa. Jesusɗe ijãanuree politikaɗe maẽbʉrã wabenarã ome chĩoɗe wãɗakaa (Juan 17:16; 18:36). Mauɗe ẽbẽrarã kachirua kĩra Dachi Akõreɗe ijãaɗakauka aseɗakaa. Santiago 4:4 leas.
Ãchi chiya chi kʉ̃ria bẽrã. Bibliaba kawabiaɓua wabenarã ẽbẽrarã respetaɗai, kʉ̃risiaɗawẽa sãmabena neebudau. Relijiona setaa jaradeaduanuuba jari ãchi chiya chĩoɗe wãbadaurã ũkuru aiɗabadaa mauɗe chi Jesusɗe ijãanureebara jãka aseɗakaa (Miqueas 4:1-3). Bari, ãchia kʉ̃riaburu chi nejarra jʉrʉɗapeɗa mauɗe wabenarã ũkuru aiɗakuabadau mauɗe kĩrawãrea jarabudau chi nomaa akuduanuumaa. Juan 13:34, 35; 1 Juan 4:20 leas.
4. ¿Kawaska jambea sãu chi relijion ariɗe jaradeaɓuu?
¿Sãu relijionba Bibliaba jaradeapeɗa, Dachi Akõre trʉ̃ respetapeɗa mauɗe Dachi Akõre Kobierno ʉtʉ bajãaɗebena aɓaburuɓuu ẽbẽrarãmaa aiɗai ɓuu jaradeaɓua? ¿Sãu relijionɗe ẽbẽrarã ãchi chiya kʉ̃riaɗapeɗa mauɗe waa chĩoɗe wãuriɗaiɗaa wãɗakaba? ¿Bichia saka kʉ̃risiaɓua? 1 Juan 3:10-12 leas.