¿Bibliaba bichi saka aiɗai ɓua?

Ẽbẽrarã ãrĩãba wiɗibadau sakayua dachirã iɗibea ãrĩãdu supriɗapeɗa, biubadau mauɗe chi nejarra sakayua unuɗakau. Maubapeɗa, dachi ẽbẽrarã baare biʼia duanaɗayu ʉ̃rʉbena wiɗiɗapeɗa, mauɗe dachi kĩrajʉʉ nureaɗayu dachi deeɗabenarã baare wiɗibadaa. Ẽbẽrarã aribiaurãba nau chi Bibliaba panauɓuu unubadaa, jãarã joma sakayua barau mauɗebena jaradeɗekaɓua, konsejorã biarã siɗa deabaria. ¿Bichia unubaree ẽbẽra ichia konsejo bia nesitaɓuu chi Bibliaɗebena?

1. ¿Kãareɗebena jaradeaɓua Bibliaba?

Bibliaba nauɗebena jaradeaɓua: ¿kãare baita asepenasaa dachirã?, ¿sakayua ẽbẽrarã biarã ãrĩã supriduanaa?, ¿kãare pasaɓua ẽbẽra biuɗakare?, ¿sakayua jãkʉɗe ẽbẽrarã ãrĩã kenapanaa? mauɗe ¿nau iujãa saka ɓeeiba? Chi Bibliaba naka ɓee ʉ̃rʉbena jaradeaɓua, mauɗeeba ẽbẽrarã ãrĩãdu kĩrajʉʉ duanuu baraa nauɗebena kawapeɗaaɗa kakua.

2. ¿Saka aiɗai ɓua Bibliaba dachirã kĩrajʉʉ nureaɗayua?

Konsejo bia deaɓua Bibliaba. Dachi deeɗabenarã ome kĩrajʉʉ duanaɗapeɗa, ãrĩãdu preokupaɗaamaba mauɗe kĩrajʉʉ trajaduanaɗayua. Ambua estudiapanuuɗe, kawaɗayua kosarã naka ɓeeɗebena mauɗe junebena temarã ʉ̃rʉbena. Bichia kawayua “chi Ɓʉkuɓuu [Bibliaɗe eɗa joma ɓʉkoɓee] dachirã baita [...] biʼia ãrĩã ɓua” (2 Timoteo 3:16).

AUDE KAWABA

Kawaba saka chi Bibliaba waabenarã ẽbẽrarã ãrĩãdu aiɗaɓoaɗa, saka chi Biblia koʼoawẽa leaɓooyu mauɗe sakayua aɓabena ẽbẽraba dachimaa jaradeayu biʼia ɓuu.

3. Chi Bibliaba dachimaa jaradeaɓua saka nibaɗaiɗebena

Chi Biblia linterna kĩra ɓua, o pariu ɓuu dachi baita ʉ̃ɗaa unubiɓuu. Bibliaba dachimaa jaraɓua kãare pasai mauɗe kãare aseɗai ʉ̃rʉbena.

Salmo 119:105 leaɗapeɗa, mambea nau ʉ̃rʉbena beɗeasturu:

• ¿Kãare kʉ̃risiaɓoosaa chi Biblia ʉ̃rʉbena chi nau salmo ɓʉɗabaɗaba?

• ¿Kãare kʉ̃risiaɓua bichia Biblia ʉ̃rʉbena?

4. Bibliaba jaradeaɓua dachia kawaɗa kʉ̃riaɓuu

BIDEO: Waa kʉ̃risiaba kosa biarã urubudaurã (1:48)

• Bideoɗe, ¿chi wẽraba kãare ʉ̃rʉbena kʉ̃risiaɓoosaa?

• ¿Saka biʼia ãrĩã ɓoosa ichi jãuba chi Biblia estudiai ʉ̃rʉbena?

Bibliaba jaraɓua dachia wiɗiɗayu kawaɗai baita. Mateo 7:7 leaɗapeɗa, mambea nau ʉ̃rʉbena beɗeasturu:

• ¿Chi Bibliaba panaui ɓue chi bichia wiɗiɓuuɗebena?, ¿kãare ʉ̃rʉbena?

5. Bichia chi Biblia koʼoayuwẽa leai ɓua

BIDEO: Biblia leai ʉ̃rʉbena (2:05)

• Chi bideoɗe, ¿kãare jaraduanaa kũudrãarãba leaiɗebena?

• ¿Sakayua jambera kʉ̃risiapanaa chi Biblia leayu aburribikau?

Chi Bibliaba dachirãmaa jaradeaɓuu ũkuru biʼia sentibipeɗa mauɗe chi biarãɗeburu kʉ̃risiabiɓua chi urubudau ʉ̃rʉbena. Romanos 15:4 leaɗapeɗa, mambea nau ʉ̃rʉbena beɗeasturu:

• ¿Bichia waa kawa kʉ̃riaɓue chi Bibliaba jaraɓuu kosarã kĩrawãrea ãrĩã duanuu imibudau ʉ̃rʉbena?

6. Junebena ẽbẽraba dachimaa kawabii ɓua chi Biblia ʉ̃rʉbena

Bariara chi Biblia dachi du aɓauba leaɗai bustabadaamina, ara ɓua junebenaba jaradeaɗai. Hechos 8:26-31 leaɗapeɗa, mambea nau ʉ̃rʉbena beɗeasturu:

• ¿Saka dachia entendeɗai ɓua chi Biblia? (Bersikulorã 30 mauɗe 31 ochias).

NAU KAWASIƊAA

Bibliaba dachimaa jaradeɗekaɓua saka nibaɗai, dachia wiɗiduanuu panaupeɗa mauɗe kosarã kĩrawãrea ãrĩã ɓee jaradeɗekaɓua biʼia sentiɗayua.

Waya berreaɗaika

• ¿Kãare konsejo deaɓua Bibliaba?

• ¿Kãare kosarã aduabaɗa Bibliaba jaradeɗekaɓua?

• ¿Kãareɗebena kawa kʉ̃riaɓua Bibliaɗebena?

NAU OCHIAS MAUCHABURU KAWAYUA

Kawas sakayua chi konsejorã Bibliaɗebena iɗibea dachi baita biʼia ãrĩã ɓema.

“Chi Bibliaba jaraɓuu biʼia ãrĩã ɓua mauɗe waaburu biʼia ɓooyua” (Chi Kartaba, 2018ɗebena chi 1)

Ochias saka Bibliaba aiɗasii mukĩra ichi chuburi niiɗeeɗa baleswẽa nii kʉ̃risianibaɗa.

Saka kĩrajʉʉ ãrĩã bibinibaɗe wãsaa naeɗebena aude (2:53)

Kawas saka jaraɓuu Bibliaba bichi deeɗabenarã ome kĩrajʉʉ nibai.

“Konsejorã 12 duanuu kĩrajʉʉ duanaɗayua deeɗabenarã ome” (¡Despertad!, 2018ɗebena chi 2)

Kawaba saka Bibliaba jaradeaɓuu kaiburu nau iujãa iraɓuu ʉ̃rʉbena.

¿Sakayua Biblia ɗebena kawaiba? (Joma) (3:14)