Dachia saka kuitaaɗai ɓua kairã chi cristianorã ariɗe nureerã

Ẽbẽrarã ãrĩã baraurãba dai cristianorã nuree a panua, maka ɓumina jãarã jomaurãba araɓau kʉ̃risiaɗapeɗa mauɗe araɓau kĩra nureaɗakau. Makarã, ¿dachia saka kuitaaɗai ɓua kairã chi cristianorã ariɗe nureerã?

1. ¿Kairãba cristianorã ariɗe nureerã?

Chi cristianorã Jesucristo kaaɗe ãda nurea (Hechos 11:26 leas). ¿Saka unubibadaa ichi kaaɗe jipa ãda nuree? Jesusba naka asii: “Machiba mʉ beɗea ijãa panuubʉrã, biawãra mʉ baara nibabadaurã nureaɗai” (Juan 8:31). Nauba jara kʉ̃ria ɓuu chi cristianorã ariɗe nureerãba ũribaraaɗai chi Jesusba kawabiɗa baɗa. Chi cristianorã ariɗe nureerãba kerea panuu chi Bibliaba jara ɓuudu Jesús kĩrachaa, ichia chi Bibliaɗe Ɓʉ Kuɓuudu kereabachii (Lucas 24:27 leas).

2. ¿Chi cristianorã ariɗe nureerãba saka unubibadaa waabenarã kʉ̃ria inuree?

Jesusba ichi kaaɗe ãdabadaurã a jarasii: “Machi chiya ãrea kʉ̃riásturu mʉʉba machi ãrea kʉ̃ria ɓuu kĩra” (Juan 15:12). ¿Jesusba saka unubisaa ichi kaaɗe ãdabadaurãmaa ichia ãchi kʉ̃ria inii? Ãchi ome berreabachia, kĩrajʉʉ sentibipeɗa maabea ichia aiɗa kerasia, ichi asta biu kerasia ãchi kakua (1 Juan 3:16). Jesús kĩrachaa, chi cristianorã ariɗe nureerãba waabenarã kʉ̃ria nuree beɗeabara jaraɗawẽa, bari biawãra unubibadaa.

3. ¿Sãu trajo biʼia ɓua chi cristianorã ariɗe nureerãba asebadaa?

Jesusba ichi kaaɗe ãdabadaurãmaa trajo deɗekaɗa baɗaa, “ãchi bʉikuasii jaradeɗekaɗayua Dachi Akõre Kobierno ʉ̃rʉbena” (Lucas 9:2). Chi nabẽrarã cristianorãba chi de ʉtaa wiɗibadaumaa jaradeaɗe wãbachiɗau, mauɗe ẽbẽrarã ãrĩã baraumaa biɗa jaradeɗekaɗe wãɗapeɗa, decha wãbachiɗau (Hechos 5:42; 17:17 leas). Iɗiiɗaa biɗa chi cristianorã ariɗe nureerãba jaradeabadau Bibliaɗebena chi ẽbẽrarã baraurãmaa. Ãchia ẽbẽrarã kʉ̃ria nuree bẽrã, tiempo sacaɗapeɗa mauɗe ãrĩã berekabadaa ẽbẽrarãmaa Bibliaɗebena biʼia kiruu jaradeaɗai baita (Marcos 12:31).

AUDE KAWABA

4. Ãchia jʉrʉbadaa chi Bibliaɗe biawãra jara kuɓuu

Jomaurã cristiano nureerã abadamina maarãba kʉ̃risiaɗakaa chi Bibliaba jara ɓuu biʼia ãrĩã ɓuu. BIDEO ochiaɗapeɗa, mambea nau ʉ̃rʉbena beɗeasturu:

BIDEO: Saka ãi jaradeaɗe wãuchiɗaa chi nabena cristianorã baɗaba (5:11)

• Chi ɓee Iglesiarãmaa cristianorã abadaurãba berekasiɗau ẽbẽrarãmaa kawabiɗaamaaba chi Jesusba jaradea ɓooɗa, ¿kãare asesiɗaa?

Jesusba ariɗe kawabisii chi Dachi Akõre Beɗeaɗe biawãra jara kuɓuu. Juan 18:37 leaɗapeɗa, mambea nau ʉ̃rʉbena beɗeasturu:

• Jesusba jarasiiɗeebara, ¿saka kuitaaɗai ɓua kairã chi cristianorã ariɗe duanua “biawãra ʉ̃rʉbena kawa kʉ̃ria ɓee”?

5. Ãchia Bibliaba biawãra jara kuɓuuɗebena jaradeɗekabadau

Jesús ʉtʉ bajãaɗaa wãi naeɗe, ichi kaaɗe ãdabadaurãmaa trajo ɓuisii mau iɗiiɗaa ara maka ase panua. Mateo 28:19, 20 mauɗe Hechos 1:8 leaɗapeɗa, mambea nau ʉ̃rʉbena beɗeasturu:

• ¿Sakayaɗaa mauɗe waa samaaburu Bibliaɗebena jaradeɗekaɗe wãɗai basaa?

6. Biʼia ase panuuba jaradeabadaa

¿Sakayua mukĩra Tom abadauba ariɗe kuitaa ɓoosaa ichia chi cristianorã ariɗe nureerã unukuaɗa baɗa? BIDEO ochiaɗapeɗa, mambea nau ʉ̃rʉbena beɗeasturu:

BIDEO: Mʉa religión ʉ̃rʉbena kachirua kʉ̃risia koɓeesia (5:20)

• Bideoɗe jara ɓuuɗeebara, ¿sakayua Tomba religión ʉ̃rʉbena kachirua kʉ̃risia koɓeesaa?

• ¿Sakayua Tomba ariɗe kuitaa ɓoosaa chi biawãra ɓuu kawaɗa baɗa?

Chi beɗea unubibarii dachia ase niiɗe. Mateo 7:21 leaɗapeɗa, mambea nau ʉ̃rʉbena beɗeasturu:

• ¿Kãareba chi aude biʼia ãrĩã ɓuu Jesús baita: dachia jara nii chi kerea kuɓuuɗe, maebʉrã unubi ɓuu chi dachia ase niiɗe?

7. Ãchi chiya kʉ̃riabadaa

Chi cristianorãba ãchi nureai baɗa dea nuree chi ãbarã kakua. BIDEO ochiaɗapeɗa, mambea nau ʉ̃rʉbena beɗeasturu:

BIDEO: Ichi biui baɗai chi ãba kakua (2:55)

• ¿Sakayua chi ãba Lloyd ichia ichi nibai baɗa deai basaa chi ãba Johansson kakua?

• ¿Bichia kʉ̃risia ɓue ichi cristiano ariɗe kiɗii?

• ¿Saka trata unibabaraaɗaiba chi cristianorã ariɗe nureerãba chi ẽbẽrarã diwaraurã mauɗe junebena puuruɗebenarã?

• ¿Saka unubisiɗaa chi cristianorãba kʉ̃ria nuree chi guerra neesiiɗe?

NAU KAWASIƊAA

Chi cristianorã ariɗe nureeba ase nuree chi Bibliaɗe jara ɓuudu, ãchia waabenarã aiɗabadaa chaarea ɓumina kʉ̃riaɗeeba, mauɗe junebenarãmaa jaradeabadaa chi Bibliaba biawãra jara kuɓuu.

Waya berreaɗaika

• ¿Chi cristianorã ariɗe nureerãba kãareɗedu kerea panua?

• ¿Kãare unubi nurea cristianorã ariɗe nureerãba?

• ¿Jãarã kãare trajo ase nurea?

NAU OCHIAS MAUCHABURU KAWAYUA

Unuse ẽbẽrarã ãchi Jesús kĩra nureaɗapeɗa mauɗe ichia jaradea ɓooɗaka asebadaa.

¿Kairãba dai Jeowa ɗebena Jaranũrẽ? (1:13)

Leas wẽra ichi monja baɗa saka ichia “ãbachekerã biʼia kiruree” unukuasii.

“Mʉa joma wiɗikuaɗa baɗa ãchia mʉʉmaa Bibliaɗeeburu jaradeasiɗaa” (Chi Kartaba, 1 abrilɗe 2014ɗebena)

Ochiáse saka chi cristianorã ariɗe nureerãba kʉ̃riaɗeeba aiɗabadaa chi ãbarãba nesitabudauɗe.

Daiba aiɗabadau dai ãbarã kue mechibena che kuɓuuɗe, maebʉrã ioro kõa wãburuu mauɗe ioro uriburuuɗe biɗa (Bideo ɓaʼãra) (3:57)

Jesusba jarasia saka nurea ichi kaaɗe ãdabadaurã. Kawaba chi nabẽrarã cristianorã mauɗe cristianorã iɗibeabena siɗa ara jãka panua Jesusba jara ɓooɗachaa.

“¿Kãare unubi nurea cristianorã ariɗe nureerãba?” (Chi Kartaba, 1 marzoɗe 2012ɗebena)