LESION 26
¿Kãarea ne miadaa baraba mauɗe ẽbẽrarã supri duanaa?
Ne kachirua ãrĩãdu unubudauɗe, ẽbẽrarãba wiɗibadau “¿Sakayua jãu pasasaa?”. Ariɗe ɓua Bibliaba jara ɓuu nau ʉ̃rʉbena.
1. ¿Kãare asesaa Satanasba ne kachirua iujãaɗe neebii baita?
Chi Jʉbawãe nii, Jeowa ome kĩrusia. Ichiaburu waabenarã ua ɓuu kʉ̃ria ɓoosii bẽrã, ichia waubiasia nabẽrarã Adán Eva ome ãchi siɗa Jeowa ome kĩruɗayua. Ichia Evamaa setaa jarasiiba miadaa waubiasia (Génesis 3:1-5). Ichia kʉ̃risiabiasii Jeowaburu chi biʼia ɓuu wãakamaa ɓuu maabea chi jãra biʼiwẽe ɓuu apeɗa. Ichia jara kʉ̃ria ɓoosiira ẽbẽrarã kĩrajʉʉ nureaɗai ɓoosii Jeowa beɗea ũriɗawẽebʉrã. Ichia Evamaa ãchi biuɗaabai apeɗa jarasiiba, jãma setaa nabena jarasia. Mauɗeeba Bibliaba jarabarii “ichi setaa jarabarii mauɗe ichi chi akõre setaaɗebenabʉ” (Juan 8:44).
2. ¿Kãare asesiɗaa Adán Eva omeeba?
Jeowa Adán Eva ome jua keɗee sua nibasia. Ichia jarasiira joma bakuruɗebena jõ koɗai ɓuu maamina aɓa ɓuu bakuruɗebena koɗaabai apeɗa (Génesis 2:15-17). Mau adua, ãchia mau bakuruɗebena kosiɗaa. Evaba “chi jõ adaupeɗa ko koɓeesia”. Maabea, mau kaaɗe, Adanba “ko koɓeesia” (Génesis 3:6). Mauɗeeba ãchi omeerãba Dachi Akõre beɗea ũriɗaabasii. Ãchirã ome jipa nibasiɗa bẽrã, ãchirã ne kachirua wauɗai baita panaɗaabasia. Mauɗeeba, ãchia Dachi Akõre beɗea ũriɗaamaa kopaneesii ãchi kʉ̃riaɗeeburu, nakaburu ãchia ida ɓuisiɗau Dachi Akõreba ãchi ua ɓooi baɗa. Nauba ãchi ãrĩãdu supri paneesia (Génesis 3:16-19).
3. ¿Adán Eva baare asesiɗauba dachirã saka duaneesaa?
Adán Eva omeeba ne kachirua asesiɗauɗe, maabea ãchirã jipa panaabasia, mauɗeeba ãchi warrarãmaa jãu deɗeka ɓuisiɗaa. Bibliaba Adán ʉ̃rʉbena jara ɓua: “Ẽbẽra aɓa niiɗeeba chi pekao nau iujãaɗe neesii mauɗe mau pekaoɗeeba dachi biuɗai neesii, makaburu jomaurã ẽbẽrarã biuɗai panuu” (Romanos 5:12).
Makarã, ¿sakayua dachirã supri duanaa? Ɓesesɗe, dachirãba ãyaa asebadauɗeeba. Makawẽebʉrã, waarãba ãyaa aseɗai kʉ̃risiabadauɗeeba. Maebʉrã, kosarã dachia pasaabai kʉ̃risiapeɗaaɗaba (Eclesiastés 9:11 leas).
AUDE KAWABA
Kawaɗaika sakayua dachia Dachi Akõre culpawẽe ne joma kachirua iujãaɗe barau kakua, mauɗe ichi saka sentibarii dachi supribudau unuuruuba.
4. Chi culpa bara ɓuu dachirã supri duanuu kakua
Ẽbẽrarã aribiaurãba kʉ̃risiabadau Dachi Akõreburu nau iujãa ira ɓuu. ¿Maamina mau makabaaka? BIDEO ochiábaɗa.
Santiago 1:13 mauɗe 1 Juan 5:19 leaɗapeɗa, mambea nau ʉ̃rʉbena beɗeasturu:
¿Dachi Akõre culpa bara ɓue supriɗapeɗa mauɗe ne kachirua barauɗebena?
5. Satanasburu ira ɓuu bẽrã chi iujãa dachia chi kachiruadu unu panua
Génesis 3:1-6 leaɗapeɗa, mambea nau ʉ̃rʉbena beɗeasturu:
¿Kãare setaa jaraɗaba Satanasba? (Versiculorã 4 mauɗe 5 ochiábaɗa).
¿Saka jaraɗaba Satanasba Jeowaba bia ɓuu wãaka ɓuu ʉ̃rʉbena?
Satanasɗeebara, ¿ẽbẽrarãba nesita panue Jeowaba ãchi koberna ua ɓoayua kĩrajʉʉ duanaɗayua?
Eclesiastés 8:9 leaɗapeɗa, mambea nau ʉ̃rʉbena beɗeasturu:
Jeowa chi nau iujãaɗebena kobernawẽa ɓuumisa, ¿saka duanaa ẽbẽrarã?
Adán Eva ome jipa panaɗapeɗa mauɗe chi iujãa mipitaa kiruuɗe panasii, maamina ãchia Satanás beɗea ũriɗapeɗa maabea Jeowa ome kĩrusiɗaa.
Adán Eva baare Dachi Akõre ome kĩru kopaneeɗakare, joma iujãaɗe ẽbẽrarã pekao baara duaneeɗapeɗa, supriɗapeɗa mauɗe biuyuɗe duaneesiɗau.
Jeowaba akabayua supri duanuu mauɗe kini duanuuɗebena maabea ẽbẽrarã joma jipa duaneeɗai mauɗe chi iujãa kĩrawãrea kiruuɗe duanaɗayua.
6. Jeowa nomaa aka ɓeebarii dachi supribudauɗe
¿Dachi supribudauɗe Jeowaba dachi ʉ̃rʉbena kauwa kʉ̃risia ɓoabaaka? Ochias kãare ɓʉsiɗau chi rey David mauɗe apóstol Pedroba. Salmo 31:7 mauɗe 1 Pedro 5:7 leaɗapeɗa, mambea nau ʉ̃rʉbena beɗeasturu:
¿Bichi saka senti baraa kuitaaruuba Jeowaba kauwa ochia ua ɓua chi problemarã maabea ichi nomaa aka noɓeebarii dachi supri ɓuu unuuruuba?
7. Jeowaba ẽbẽrarã supri duanuurãɗebena akabayua
Isaías 65:17 mauɗe Apocalipsis 21:3, 4 leaɗapeɗa, mambea nau ʉ̃rʉbena beɗeasturu:
Jeowaba akabayua jari ẽbẽrarã ãrĩã supribi duanuu ome, maabea ichia chi daño aseɗa baɗa anibiyua. ¿Nau jara ɓuuba bichi biʼia senti ɓue? ¿Sakayua?
¿Bichia kuitaa ɓoosee?
Satanasba naa setaa jaraɗaba, atua jarasii Jeowa ʉ̃rʉbena. Chi trʉ̃ jayoaruu kĩrasia, ichia kawabisii kobernante bia mauɗe jipa ɓuuwẽe. Jeowaba ẽbẽrarã supri duanuu akabaɗakare, ichi trʉ̃ biʼia limpia kiruyua. Ichia unubiyua chi ichi kobierno aude biʼia ɓuu. Chi trʉ̃ biʼia jara noɓeeruu Jeowaɗe jãra joma iujãaɗebena beɗea ãrĩãdu biʼia ɓuu (Mateo 6:9, 10).
CHI NUREE ẼBẼRARÃBA NAKA JARABADAA: “Dachi Akõreba prueba kĩra dea ɓua supribiayua”.
¿Bichia kãare jarai ɓua?
NAU KAWASIƊAA
Satanás Adán Eva baare ãchiaburu deasiɗaa iujãaɗe supriɗai baita mauɗe ne kachirua barau siɗa. Jeowa nomaa aka ɓoobarii dachi supribudau unuburuuɗe mauɗe ichia chi supri duanuu akabaiɗea ira ɓua.
Waya berreaɗaika
¿Kãare setaa jarasaa Diabloba Evamaa?
¿Adán Eva omeeba asesiɗauba iɗibea dachirã saka duanaa?
¿Sakayua dachirãba jara panua Jeowa nomaa aka ɓoobarii dachi supribudau unuuruuba?
NAU OCHIAS MAUCHABURU KAWAYUA
Kawas kãare jara ɓuu Bibliaba pekao ʉ̃rʉbena.
Mauchaburu leas kãare jarasii Satanasba chi Edenɗe.
“¿Sakayua Dachi Akõreba idaarabi ɓua supriɗayua?” (Chi Kartaba, 1 eneroɗe 2014ɗebena)
Unus biʼia jara ɓuu dachi kãareba biʼia ãrĩãdu sentibi ɓuu maabea panaus beɗea chaarea ãrĩã ɓuuɗebena.
“¿Sakayua Dachi Akõreba idaarabisaa judiorã ãrĩãdu kenasiɗauɗe?” (Artículo jw.org ɗebena)
Ochias mukĩra niiba ẽbẽrarã ãrĩãdu supri duanuu unuɗa baɗa.