¿Saka ɓoosaa ĩũjã mipitaakiruɗe nibai?

Diosba Adan maũɗe Evamaa nekaebea biarã ãrẽã deaɗaa (Génesis 1:28)

Jeowaba Eva wauɗabasia, chi naabena wera, mambae Adanmaa deasia ichi kimabawera (Génesis 2:21, 22).

Diosba Adan Eva baara kakua biʼia waukaɗaa. Chi kʉ̃rĩsia kakua baara añaa nibaɗaẽbasia.

Nepono tãẽɗe kuɓuu kaɓuuɗe panasbiɗa Eden maɗauɗe, mãu ĩũjã mipitaaɓoosia: mamariɗe ɗo, bakururã, animararã barasia.

Jeowa beɗeabachia maũɗe nekaebearã jaradeɗekakua. Jãma waaburu nibaɗakʉ̃rĩapanasiiɓurã ĩũjã mipitaakiruɗe, ãchiara Diosturu ũrĩbabapanasia.

Diosba jaraɗabasia chi bakuru aɓaɓuu ɗebena kobiaẽmaba (Génesis 2:16, 17)

Diosba Adan Evamaa jaraɗaa bakuru jãma eɗa aɓaɓuu ɗebena jõ korãba aɗa maũɗe koɗarã, biuɗayʉa aɗa biɗa.

Anjel aɓa Dios õme kĩrũsia. Mãu anjel kachirua Diablo basia.

Diabloba Jeowa beɗea ũrĩbiakʉ̃rĩaẽbasia Adan maũɗe Evamaa. Damaɗeba, jarasia Evamaa ichira biuẽbayu. Jãu bakuru ɗebena jõ koruuba ichia Dios kĩrã nibai ajarapeɗa. ¡Ɓiwĩ setaa jaras! (Génesis 3:1-5.)