¿Kãrẽ sakasaa makara Diablo ũrĩsiɗaukakua?

Adan Eva baara biusiɗau Dios ũrĩɗaẽbasiiba (Génesis 3:6, 23)

Evaba chi damaturu ĩjãpeɗa mambae chi jõ bakuru ɗebena koẽbai baɗa kosii. Mambae wapeɗa Adanmaa kobiɗe wasia, Ichia biɗa kosmae.

Jãu asesiɗau biʼia waẽɓoosia: pekao basii mara. Diosba duaɓuekaɗabasia chi ĩũjã kĩrãwãrẽa ɗebena.

Ãchi baita nibaɗai puʼua ãrẽã ɓoosia chi warrarã baita biɗa. Bikaa, chõrã baɗapeɗa biusiɗau. Mamiɗa ʉtʉ bajãɗaa waɗaẽbasia, ni aukokuɓuuɗaa biɗa; bari nibapeɗaɗaturu akabara wasiɗau.

Chi biupeɗaɗara joraɗe babaɗau maũɗe nekaebea aseɗaweã waya (Génesis 3:19)

Joma dachirãra Adan Eva ɗebena nesiɗaa. Maũɗeburu, dachirã siɗa biupanua. Chi biupeɗaɗaraba ũrĩɗaweã ni ũnuɗaweã nekaebea siɗa wauɗaweã (Eclesiastés 9:5, 10).

Jeowaba ẽbẽrarã biubikʉ̃rĩaẽbasia. Naũɗe Ichia waya nibabiaɗe wai chi biupeɗaɗara. Ũrĩbabaɗarã, biuɗaweã waya. Ãchirãra nũrepaaɗe wai.