ẼBẼRARÃMAA JARADEABA
LECCIÓN 10
Bichia jaradeaɗe wãi aɗabʉrã, wãba
Bibliaba naka jara ɓuu: “Daiba machi ãrea kʉ̃ria panuuɗeeba bari chi Dachi Akõre ʉ̃rʉbena beɗea bia machimaa jaradeaɗakau, mauɗe machi ne jomaɗe aiɗaɗai baita panasiɗau” (1 Tes. 2:8).
Chi Jesusba aseɗa
1. VIDEO ochias maebʉrã Juan 3:1, 2 leas. Maabea nauɗe kʉ̃risiaba:
¿Sakayua Nicodemo beɗeaɗe wãɗaba Jesús baare ẽsebuɗeburu? (Juan 12:42, 43 ochias).
¿Kãare aseɗaba Jesusba Nicodemo ẽsebuɗe ichi ome beɗeaɗe wãsiiɗe?
¿Kãare kawa panaa Jesusba aseɗa?
2. Dachia ẽbẽrarã kʉ̃ria nuree bẽrã, ãchimaa kawabiɗayua ãchi Jesús kaaɗe tʉa nureaɗai baita.
Jesusba aseɗa kĩra aseba
3. Kawabiba chi ẽbẽramaa ara chi horaɗe mauɗe chi kawamaa ɓuuba kʉ̃ria ɓuumaa. ¿Kãare diaɗe mauɗe kãare horaɗe chi ẽbẽra kawa kʉ̃ria ɓuu? ¿Sama kawa kʉ̃ria ɓuu trajoɗe, deeɗa, maebʉrã awara? Bereka kawabiyua ichia kʉ̃riaruu horaɗe.
4. Berekaba bichia kawabimaa ɓuu ichimaa jaradeai baɗa perdebiimaaba. Bichia jaradeaɗe wãabai ɓuubʉrã, jararã́ba bichia jaradeaɗe wãabayu jãu semanaɗe. Naka asei ɓua:
Jaradeai ɓua junebena diaɗe ara jãu semanaɗe.
Jaradeayua telefonoɗeeba, maebʉrã internetɗeeba.
Jaraba junebena ãbamaa jaradeaɗe wãi baita.
5. Wiɗiba Jeowamaa aiɗai baita biʼia kʉ̃risiayua. Wiɗiba Jeowamaa bichia apii jaradea koɓeei baita semanacha chi kawamaa ɓuumaa. Ẽbẽraba semanacha kawawẽebʉrã maebʉrã ichia Bibliaɗebena kawamaa ɓuu asewẽebʉrã, Jeowamaa wiɗiba ichimaa waaburu jaradea kʉ̃riayua (Filip. 2:13). Maabea kʉ̃risiayua chi kawamaa ɓuu ẽbẽra bia nii.
NAU SIƊA OCHIAS
Prov. 3:27; Hech. 20:35; 2 Cor. 12:15