¡DAU OMEA NIBABA!
Ucraniaɗe guerra ase kãriɗau kakua joma iujãaɗe chiko ɓaʼãra ɓeeɗaa
19 mayoɗe 2022ɗebenaɗe, chi Consejo de Seguridad Naciones Unidasɗebenaɗeba ũriɗa basii 75 trajabadaurã gobiernorãɗeba jarapeɗaaɗa “chiko ɓaʼãra paneesiɗau joma iujãaɗe COVID-19 kakua mauɗe clima cambia kãriiɗeeba, jãabera jarrba ãrĩã duanuu joma iujãaɗe Ucraniaɗe guerra ase kãriɗau kakua”. Mau kaaɗe The Economist jãuba jaraɗa baɗa “guerra kakua nau iujãaɗe jarrba ãrĩã ɓeesii jãabera”. Chi Bibliaba jaraɗa baɗa chiko ɓaʼãra duaneeɗayuɗebena iɗi diaɗe, maamina, jãuba jara ɓua kãare aseɗai maka duanuu adua.
Chi Bibliaba jaraɗa baɗa chiko ɓaʼãra duaneeɗayuɗebena
Jesusba jaraɗa baɗa: “Chi puuru choroma junebena puuru choroma ome peliaɗayua, kobierno aɓabena kobierno ome biɗa, jarrbisia ãrĩã baraai” (Mateo 24:7).
Bibliaɗe libro Apocalipsisɗe jara ɓuu mura ʉ̃rʉ aka ɓuu kimare ɓeeɗebena. Aɓa jãu mura ʉ̃rʉ aka ɓuuba unubi ɓuu chi guerra barau. Mawãare aɓa maucha mauba unubi ɓua chi jarrbisia barau, jãu diaɗe chi chiko ɓaʼãraburu baraɓeeyu mauɗe jãu chi õbua nedobʉebudau. “Mʉʉba mura parrba nii unusii. Chi mau mura ʉ̃rʉ akʉ ɓuuba ichi juaɗe chikʉa chaabarii uru ɓuasii. Maka ɓuuɗe mʉʉba chi kimare chokae nuree panuu tãeɗe aɓa berrearuu ũrisii. Mauba naka jarasii chi mura ʉ̃rʉ akʉ ɓuumaa: «Chi trigo ãrisii. Maka ẽbẽra aɓa ewari aɓa trajai, trigo libra ome nedoi baita. Mauɗe chi cebada siɗa ãrisii. Maka ẽbẽra aɓa ewari aɓa trajai cebada 6 nedoi baita.»” (Apocalipsis 6:5,6. Biblia Chamí, WPS.).
Naarã profeciarã jarrbisia baraaiɗebena iɗibea cumplimaa ɓuu “ultimo diarãɗe” Bibliaba jara kuɓuu kĩra (2 Timoteo 3:1) Maucha kawayua chi “ultimo diarã” ʉ̃rʉbena mauɗe chi jari mura ʉ̃rʉ aka ɓuuɗebenerã jari Apocalipsisɗe jara kuɓuu, ochias chi video 1914ɗe nau iujãa o ãi wãsia mauɗe leas chi artículo “Mura ʉ̃rʉ aka ɓuu kimare ɓee: ¿kairãba maarã?”
Saka chi Bibliaba aiɗai ɓua
Chi Bibliaba consejo biʼia ɓee jara ɓua dachirã aiɗa ɓua choroai baita problema tãeɗe duanuuɗe, chi nejarra ãrĩã paabudau siɗa chiko nedoyua maebʉrã chiko ɓaʼãra ɓeeburuu siɗa. Ochias naarãɗebena articuloɗe “Saka nibaɗaima chi nejarra ɓaʼãra ɓuu siɗa”.
Chi Bibliaba jara ɓua joma biʼia noɓeeyuɗebena. Jãuɗe jara ɓua “nau iujãaɗe ãrĩã netaa baraa ɓooi” mauɗe jomaurãba chiko baraa duanaɗayua (Salmo 72:16) Maucha kawaɗayua chi Bibliaba jara ɓuu jari ne bia uruburuuɗebena mauɗe sakayua jãuɗe kereaɗai ɓuu, leas chi artículo “Chi biʼia neeburuu, jãu biawãra ɓuu”.