Nau iujãaɗe joma ʉtaaburu wã koɓeesma: ¿Chi Bibliaba kãare jara ɓua?

“Joma ʉtaa ãrĩã koɓeesiiɗeeba ne miadaa neei ɓuu”, naka jara ɓoosiii chi presidente Grupo Banco Mundialɗebenaba chi informe junio 2022ɗebenaɗe. “Iɗibea joma ãrĩã ʉtaa wã koɓeesii mauɗe chi nejarra ɓaʼãraburu bara ɓeesii”.

Chi Fondo Monetario Internacionalba jara ɓuuɗeebara, “chi gasolina mauɗe chi chiko isa ʉtaa ɓeei ɓuu, mau kachirua ãrĩã ɓuu chi puuru chi nejarraswẽe kiruree baita”.

Chi Bibliaba dachimaa kawabi ɓuu sakayua iɗibea joma ãrĩã ʉtaa wã koɓeesii dachi nejarraswẽe duanuu siɗa, mauɗe jaradea ɓuu kãare aseɗai panuu naka pasaɗakare, mauɗe jara ɓuu sakayua esperaɗai ɓuu mau joma solucionaɗai baita.

“Chi último diarãɗe” joma ʉtaaburu wã koɓee ɓuu

• Chi Bibliaba jara ɓuu ara nauɗe dachi “chi útimo diarãɗe” duanuu (2 Timoteo 3:1).

• Jesusba jara ɓoosii nau tiempoɗe “ne miadaa ãrĩã ɓuu” ochiaɗai ɓuu, mauɗeeba ẽbẽrarã ãrĩã pera kopaneei ɓuu (Lucas 21:11). Ãrĩã iɗibadauɗe chi ẽbẽrarã pera kopanuu, ãchia adua nureeɗeeba saka chi deɗabena biʼia ua ɓooyua.

• Chi libro Apocalipsisɗe jarasii nau tiempoɗe joma chi chiko õbua ɓeeyua. Nama jara ɓuu: “Mauba naka jarasii chi mura ʉ̃rʉ akʉ ɓuumaa: «Chi trigo ãrisii. Maka ẽbẽra aɓa ewari aɓa trajai, trigo libra ome nedoi baita. Mauɗe chi cebada siɗa ãrisii. Maka ẽbẽra aɓa ewari aɓa trajai cebada 6 nedoi baita” (Apocalipsis 6:6 Biblia chamí, WPS).

Maucha kawayua chi “último diarã” ʉ̃rʉbena mauɗe chi profecía Apocalipsisɗebena, ochias chi video 1914ɗe chi iujãa cambia ɓeesia mauɗe leas chi artículo ¿Kãareba mau chi mura ʉ̃rʉ aka duanuu apocalipsisɗebena?

Dachi chi nejarraswẽe duanuɗeeba waa preocupaɗaabai

• “De karaaɗapeɗa mama aria duanaɗai; uva uuɗapeɗa mau ko duanaɗai. Ãchia de waabenarã duanaɗai baita aseɗaabayua mauɗe waabenarã koɗai baita uuɗaabayua” (Isaías 65:21, 22).

• “Nau iujãaɗe ãrĩã netaa baraa ɓoi, michia ʉtʉ modeɗe biɗa” (Salmo 72:16).

• “‘Joma chi sufri kiruree kakua, mauɗe chi poore keɗee kakua, mʉ ʉtaa piradrupeɗa aiɗayuaʼ a ɓuu Jeowaba” (Salmo 12:5).a

Dachi Akõreba dai biʼia duanabiburuu, mau joma nau iujãaɗe ɓooyua. Nau ʉ̃rʉbena maucha kawayua, leas chi artículo “¿Ariɗe ɓobaaka dachia esperaɗai panuu nau iujãaɗe chi jipa ɓuudu aseyua?”.

Mau pasaburuuɗe, chi Bibliaba dachi aiɗa ɓuu joma ʉtaa ɓeeɗakare. ¿Mau saka? Chi consejo biʼia ɓee dea ɓuu chi nejarra biʼia adauɗai baita (Proverbios 23:4, 5; Eclesiastés 7:12). Maucha kawayua, leas chi articulorã “Bichi chi nejarra biʼia ua ɓooyua” mauɗe “Saka nureaɗayu chi nejarra ɓiɗĩika ɓuu ome”.