FPG/The Image Bank via Getty Images
¡DAU OMEA NIBABA!
Chi politicorãba jara panuu chi Armagedón neei ɓuu: ¿Chi Bibliaba kãare jara ɓua?
Lunes 10 octubreɗe 2022ɗebena dapeɗeeɗa, Ucraniaɗe kabanaa misilrãba iru bʉesiɗaa. Mau pasasiira ome día naeɗeeɗa chi pana crimea mauɗe Rusia baara inii ɓooɗa tõobipeɗaaɗa baɗaɗeeba. Nau naeɗe chi politicorãba jarasiɗau chi Armagedón neei iru ɓuuɗebena.
“Kennedy nibasiiɗeeɗabena [presidente Estados Unidosɗe] mauɗe chi problema mechibena Cubaɗe neesiiɗeeɗabena chi misil kakua, daiba unuɗawẽa nakʉɗe naka kaita ãrĩã panaɗai ɓuu chi Armagedonɗebena. Arma nuclearɗeeba guerra ase penasirã Armagedón neei ɓuu” (Joe Biden, presidente Estados Unidosɗebena, 6 octubreɗe 2022ɗebena).
“Mʉa biɗa kʉ̃risia ɓuu cha nau Armagedonbʉ; joma chi iujãa peligroɗe kuɓuu” (naka jara ɓoosii Volodímir Zelenski chi presidente Ucraniaɗebenaba, ichimaa wiɗi ɓoosiiɗe chi miadaa uruuburuu chi arma nuclarɗeeba, BBC News, 8 octubreɗe 2022ɗebena).
¿Chi arma nuclearɗeeba Armagedón neei ɓubaaka? ¿Chi Bibliaba kãare jara ɓua?
¿Chi arma nuclearɗeeba Armagedón neei ɓue?
Makawẽma. Chi beɗea Armagedón ɓes aɓaburu unu ɓuu Bibliaɗe Apocalipsis 16:16ɗe. Mau beɗeaba jara kʉ̃riawẽe chi guerra aɓa puuru choroma waabena puuru choroma ome, mau chi guerra Dachi Akõre chi gobernanterã nau iujãaɗebena ome” (Apocalipsis 16:14). Dachi Akõreba chi guerra Armagedonɗeeba joma chi gobiernorã iujãaɗebena acababurua (Daniel 2:44).
Maucha kawa kʉ̃ria ɓuubʉrã kãare pasaburua Armagedón neeɗakare, leas chi artículo “¿Kãareba mau chi Armagedón?”.
¿Chi guerraɗe arma nuclearɗeeba chi iujãa ẽbẽrarã siɗa joma acababurue?
Makawẽma. Chi ẽbẽrarã nau iujãaɗebena arma nuclear utilizaɗai ɓuu, maka ɓuu siɗa Dachi Akõreba idaraabiibai chi iujãa acabai baita. Chi Bibliaba jara ɓuu:
“Chi iujãa waaburuu koɓeeburuu” (Eclesiastés 1:4).
“Ẽbẽrarã biarãdu nau iujãaɗe waaburu biuɗawẽa duanaɗayua” (Salmo 37:29).
Chi profecía Bibliaɗebena mauɗe chi iɗibea pasamaa ɓuuba unubi panuu, joma nama nau iujãaɗe cambiai iru ɓuu (Mateo 24:3-7; 2 Timoteo 3:1-5). Bichia kawai ɓuu kãare neeburuuɗebena. Dachia bichimaa bari jaradeaɗai ɓuu Bibliaɗebena.