¿Sakayua Jeowa ɗebena Jaranũrẽba adauɗakaa chi cruz ʉtaa wiɗiɗai baita?

Ẽbẽrarã ãrĩãrã baita, chi cruz símbolo cristianismoɗebena. Maka ɓumina chi Jeowa ɗebena Jaranũrẽ cristianorãmina, cruz adauɗakaa mauɗe ʉtaa wiɗiɗakaa jãuɗeeba. ¿Sakayua?

Bibliaba jarawẽa ɓuu Jesús cruzɗe biuɗa baɗa, bari bakuru aɓa ɓuuɗéburu. Mauɗe Bibliaba jara ɓuu chi cristianorã naka aseɗai baita: “Ida ɓúbaɗa chi imagen adorabadauɗebena”. Ʉtaa wiɗibudauɗe chi cruz adauburuu mara Dachi Akõre daaɗe miadaa ãrĩã ɓuu (1 Corintios 10:14; 1 Juan 5:21).

Maubapeɗa, Jesusba kawabiaɗa baɗa saka kawaɗai ɓuu kairã chi cristianorã ariɗe nureerã: “Jomaurãba kuitaaɗayua machi mʉ kaaɗe ãda nureabarii: machi chiya kʉ̃ria panuubʉrã” (Juan 13:34, 35). Kawaɗayua kairã chi cristianorã, ochiaɗaabayua ãchia cruz maebʉrã imagen inuree, bari waabenarã ãrĩã kʉ̃ria nureedu ochiaɗai.