¿Kaiba Jesús?

Jesús ʉ̃rʉbena ẽbẽrarãba yataɗe kawa duanua. Ẽbẽrarã aribiaurãba ichi trʉ̃du kawa panua. Maamina, ¿saka nibasii?, ¿kãare ase ɓoosii?, mara aduabʉ. ¿Kãare jaradea ɓua Bibliaɗe ichi ʉ̃rʉbena?

1. ¿Kaiba Jesús?

Jesús jauri poder ãrĩã bara ɓuu ʉtʉ bajãaɗe niiɗe. Jeowaba wauɗa basii waabenarã asekuai naeɗe. Mauɗeeba Bibliaba jarabarii “ichidu Dachi Akõreba naa wauɗa baɗa” (Colosenses 1:15). Biblia biɗa jarabarii Jesús “chi Warr aɓaburu nii” Dachi Akõreɗe, ichidu Jeowaburu wauɗa bẽrã (Juan 3:16). Jesús aribiadu trajasia ichi Akõre, Jeowa ome, maabea ũkuru joma barau asesia (Proverbios 8:30 leas). Mauɗe ãchi ara maka ãbua panua. Jesusba waabenarãmaa jarabarii ichi Akõreba jaraburuu, mauɗeeba ichimaa trʉ̃abadau “chi Beɗea” (Juan 1:14).

2. ¿Sakayua Jesús iujãaɗaa neeɗa basaa?

2.000 año basii, Jeowaba milagro asesia ʉtʉ bajãareeba ichi Jauriɗeeba, ãwera nii, ichi trʉ̃ María, ɓitaɗe eɗa Jesús kuɓuɗa basia; jãu ángel mechia nii ẽbẽra kĩra nasesia iujãaɗe (Lucas 1:​34, 35 leas). Jesús nama iujãaɗaa neesii Cristo bayua makawẽebʉrã chi Mesías neei Dachi Akõreba a ɓooɗa baɗa ẽbẽrarã karebakuayua.a Joma chi profetarãba jarapeɗaaɗa chi Mesías ʉ̃rʉbena kumplisia Jesusɗe. Makaburu ẽbẽrarãba kawasiɗaa Jesús “chi Cristobʉ, Dachi Akõre chokae ɓuu Warrbʉ” (Mateo 16:16).

3. ¿Jãabera sama ɓua Jesús?

Jesús biusiiɗe, Dachi Akõreba ichi jauri kĩra piradrubisia, maabea bajãaɗaa wãsii. Mama aria “Dachi Akõreba mechia ɓusia, waabenarã ʉ̃rʉ” (Filipenses 2:9). Jãabera Jesús cargo aude chaarea ɓuu ira ɓua; Jeowadu aude poder bara ɓua ichi kãyabãra.

4. Jesús chi Dachi Akõre Poder Joma Bara Ɓuu niiwẽe

Bibliaba jara ɓuu Jesús poder ãrĩã bara ɓuu ʉtʉ bajãaɗe, maamina jara ɓuu ichia Jeowa ũribarii, jãu ichi Dios mauɗe ichi Akõrebʉ. ¿Sakayua naka jara panaa? BIDEO ochiábaɗa kawai baita Jesús Jeowa ome diwara niɗau.

BIDEO: ¿Jesús Dachi Akõre ome ara aɓau nika? (3:22)

Naarã textorãba jaradea panuu Jesús Jeowa ome diwara niɗaa. Texto aɓaaɓaa leaɗapeɗa mambea nau ʉ̃rʉbena beɗeasturu:

Lucas 1:30-32 leábaɗa.

• ¿Saka unubi ɓua nau beɗea angelɗeeba Jesús Jeowa ɓuuwẽe, chi “Jomaurã Ʉ̃rʉ Ɓuu”?

Mateo 3:16, 17 leábaɗa.

• ¿Kãare jarasaa chi beɗea bajãareeba Jesús bautizasiiɗe?

• ¿Kaiɗe basama mau beɗea?

Juan 14:28 leábaɗa.

• ¿Kai naa dawara ɓua: chi akõre, o chi warr?

• ¿Sakayua Jesusba jaraɗa basaa Jeowamaa “Akõre”?

Juan 12:49 leábaɗa.

• ¿Jesusba kʉ̃risia ɓoosaka ichi Jeowa ome araɓau nii? ¿Kãare kʉ̃risia ɓua bichia?

5. Jesús chi Mesiasbʉ

BIDEO: Chi profetarãba jarapeɗaaɗa Jesusɗe kumplisia (3:03)

Profecía Bibliaɗebenarã leaɗapeɗa mambea nau ʉ̃rʉbena beɗeasturu:

Miqueas 5:2 leábaɗa kawaɗai baita sama nasei basii chi Mesías.b

• ¿Nau profecía kumplisee Jesús nasesiiɗe? (Mateo 2:1).

Salmo 34:20 mauɗe Zacarías 12:10 leábaɗa maucha kawaɗayua chi profeciarã chi Mesías biuɗa ʉ̃rʉbena.

• ¿Naarã profeciarã kumplikuasiɗae? (Juan 19:33-37).

• ¿Saka kuitaa ɓua Jesusba chi profecía ichi ʉ̃rʉbena ara ichidu aɓauba kumplibiibasii?

• ¿Nauba kãare kʉ̃risiabi ɓua bichimaa Jesús ʉ̃rʉbena?

NAU KAWASIƊAA

Jesús jauri chaarea ɓuu, ichi Dachi Akõre Warr mauɗe ichidu chi Mesiasbʉ.

Waya berreaɗaika

• ¿Sakayua Bibliaba jara ɓua “Jesusdu naa wauɗa baɗa jomaurã naeɗe” a ɓua?

• ¿Kãare ase ɓoosaa Jesús iujãaɗaa neei naeɗe?

• ¿Saka kuitaa panaa Jesusdu chi Mesías?

NAU OCHIAS MAUCHABURU KAWAYUA

Waa kawas sakayua Jesús chi Mesiasbʉ.

“¿Chi profecía Bibliaɗebenaba jara panue Jesusdu chi Mesías?” (Artículo jw.org ɗebena)

Ochias Bibliaba jara ɓuu Dios ichi Akõre basii jari nama iujãaɗe dachi akõrerã warrarã adaupeɗaaɗa kĩra.

“¿Sakayua Jesús Dachi Akõre Warr trʉ̃abadaa?” (Artículo jw.org ɗebena)

Kawas sakayua jari trinidad abadau Bibliaɗebena nee ɓuuwẽe.

“Jesús: ¿Dachi Akõrebaaka?” (Chi Kartaba, 1 abrilɗe 2009ɗebena)

Leas saka wẽra Bibliaɗe Jesús ʉ̃rʉbena kawaɗakare, ichi nibaɗa kambiasii.

“Wẽra judía niiba biʼia jara ɓuu sakayua ɓuisii ichia kerea nibaɗaɗe” (¡Despertad!, mayo 2013ɗebena)