De choroma Babelɗe

Kue mechibena cheɗakare, Noé warrarã ãchi wẽrarã baare warrarã ãrĩã́turu adaupeɗaaɗa. Maaɗakare ãchi ãrĩã basii bẽrã, diwara iujãaɗaa wãurisiɗau, ara Jeowaba jarasii kĩra.

Ãrĩã ãchirãɗebenaba Jeowa beɗea ũriɗaabasia. Ãchia naka jarasiɗaa: “Ara nama duaneeɗaika, puuru choroma mechia wauɗayua, de choroma ʉ̃rʉ karaa ka kuɓuɗaika bajãamaa neei baita. Jãkaburu jomaurãba kuitaaɗayua kairãba dachi”.

Jeowaba jãu akawa bustawẽe basia, mauɗéburu idaarabiibasii jãka aseɗai baita. ¿Kuitaa ɓuẽ saka asesii Jeowaba? Makaburu ãchia kawaɗawẽeɗe, Jeowaba june beɗea diwara beɗeabisii. Ẽbẽrarãba jãu puuru choroma chi trʉ̃ Babel jarasiɗau, jãu trʉ̃ “kawaɗawẽa duanuu” a ɓuu. Mauɗéburu, mauchaburu karaaɗaabasii, mamabenaba junebena iujãaɗaa wãurisiɗau aria nureaɗayu. Maka ɓumina, waaburu ne kachirua ase duaneeɗaa. ¿Ɓosbaaka ẽbẽra Jeowa kʉ̃ria nibai baita? Mauɗebena kawaɗaika lección warebenaɗe.