Liberia, Monrovia pawngah phung an chim lio

Biaruah Ning

●○○ VOIKHATNAK LEN LIOAH

Biahalnak: Tuchan ah Baibal hi hman awk a tlak rih maw?

Baibal: 2 Tim. 3:16

Aa Pehtlaimi: Baibal nih a bik in zei kong dah a chim?

○●○ VOIKHATNAK LENNOLH

Biahalnak: Baibal nih a bik in zei kong dah a chim?

Baibal: Matt. 6:10

Aa Pehtlaimi: Pathian Pennak nih zeidah a tuah lai?

○○● VOIHNIHNAK LENNOLH

Biahalnak: Pathian Pennak nih zeidah a tuah lai?

Baibal: Dan. 2:44

Aa Pehtlaimi: Pennak nih vawlei kha zeitindah a thlen lai?

Tu thla thawk in zarhlai pumhnak ah chim ningcang pathum a um ti lai lo. Mah canah Nunning le Rianṭuannak Tuahchunhnak Cauk ah biaruah ning aa tel lai. Mah ah biahalnak, Baibal caang le aa pehtlaimi timi lennolh caah bia danh ta awk biahalnak aa tel. Zarhkhat ah biaruah ning video pakhat lawng a um cang lai. Thawngthanhtu pakhat cio nih Cawnpiaknak Rinli Kulh caah zeibantuk cauk dah ka hman lai ti kha an i thim khawh, cun mah cauk kha voikhatnak len lioah maw asiloah lennolh ah dah ka pek lai ti zong kha an i thim khawh. Mah lengah tuahchunhnak cauk ah lennolh caah biaruah ning pahnih zong aa tel lai. Mah nih “zungzal nunnak hmu dingah thim a simi hna” cawnpiak ding timi kan hmuitinh cungah lungthin pek dingin a kan bawmh lai.—Lam. 13:48.

Rianthiahmi: A dang lamhruainak a um lo ahcun rianthiahmi nih biaruah ning timi kha a hman awk a si.