Kan Zung Web Site kha Pumpak le Chungkhar Baibal Hlathlainak caah Hmang
Hmanung bik chuahmi Mekazin kha Online ah Rel: Vennak Innsang le I Hlau! mekazin kha Khrihfabu ah cauk in a phanh hlan zarh tam nawn in online ah rel khawh a si cang. Mekazin awkhumhmi kha ngai.—“Cauk” kha hmet, cun “Mekazin” kha hmet.
Web Site lawng ah a Ummi Capar Rel: “Careltu Mino Pawl Caah,” “Ngakchia caah Baibal Cawnpiakmi,” “Chungkhar i Ruahṭi awk” le “Mino Pawl Biahalnak” ti bantuk capar cheukhat cu kan Web site lawng ah a um cang lai. Online ah a ummi mah kong pawl kha pumpak in le chungkhar ning in Baibal hlathlainak tuah tikah i ruah u.—“Baibal Cawnpiakmi” kha awng. Cun “Ngakchia” asiloah “Kum Hra Fai” kha awng.
Hmanung bik Thawngpang Rel: Vawlei pumpi i kan rianṭuannak a ṭhanchonak a langhtermi, thazaang a pemi report le hmuhtonnak pawl kha rel law video ṭhen kha zoh. Leiser ral le hremnak kong report nih mah harnak a tongmi unau pawl caah thlacampiak awk a kan bawmh lai. (Jeim 5:16)—“News” kha awng.
Online Library Hmang in Hlathlainak Tuah: Mah kha nan holh in a um ahcun computer asiloah mobile phone hmang in nicang Baibal kha rel asiloah nai ah chuahmi cauk pawl kha hlathlai.—“Cauk” kha awng, cun “Online Library” kha awng asiloah address ṭialnak zawn ah www.wol.jw.org tiah ṭial.
[Cahmai 4 i Hmanthlak]
Hitin Tuah Chun
1 Hmanthlak asiloah “Download tuah” timi kha hmet. Hmanthlak cu PDF in a lang lai. Mah kha print tuah law na fa kha a phi kawlter asiloah a herhmi pawl suaiter.
2 Video zoh awkah “Awng” timi kha hmet.