¿Paita obamejeitiri oyenkitsare antyaroite inkani?

Itsonkajeitakeri Tasorentsi tseenkantatsiri irintikea yoabisakojeitakeri Noeni aisati ishaninkasanori (Génesis 7:11, 12, 23).

Opariake osheki inkani, okarati 40 kitaiteri aisati 40 tsiteniri, oonkanaka kipatsi, aisati maaroni atiri tseenkajeitantatsiri ikamajeitanake.

Yora nampirentsipee piatsatachari ijokanakero ibatsa kipatsiki, impoiji ipianajaro inkiteki, ipeanaka inampirepee Kamaari.

Yoabisakotakeri Tasorentsi Noeni aisati ishaninkasanori. Impoiji ikamajeibetaka, yora Tasorentsi irointinaajeri koajika, inkantaitatiyempani irisaikantyari.

Eiro osamanititsi Tasorentsi intsonkajeari tseenkajeitantatsiri, irointi iroabisakojeiteri kemisantatsiri (Mateo 24:37-39).

Meekakea yora Kamaari aisati inampirepee yamatabijeitiri atiripee, tempa te inkoyeji pinkemisanteri Yioba.

Okempeta iitaiteriteki Noeni, aisati meeka osheki atiri te inkemisanteroji ikantayetiri Yioba. Kapichanibaniji Tasorentsi ari itsonkakeri tseenkajeitantatsiri, maaroni (2 Petero 2:5, 6).

Iro kantaincha aparopee atiri ikemisantajeitiri Tasorentsi ikempetari Noeni, iritake kemisantajeitiriri Yioba.