¿Jaanika Jesoshi?

Yora Yioba itiankakeri Jesoshi aka kipatsikika (1 Joa 4:9).

Tekera intimeji Aran, yobetsikakeri Tasorentsi aparoni nampirentsi shintsitasanotatsiri anta inkiteki. Ikoiri Tasorentsi ankemisanteri itomisanori aisati.

Impoiji, itiankakeri Tasorentsi inampire aka kipatsiki, yobakenero iriori otsomonteki Maria, otimanakeri otomi nampitsiki Vere. Ipajitakeri Jesoshi (Joa 6:38).

Isaikabeitani Jesoshi kipatsiki, yaakameetsajeitakeri, inintasanojeitakeri atiripee ikempetakari iriri. Irootake ikoantakari atiripee itsipajeityari Jesoshi, tempa kameetsa yobamejeitakeri jaoka ikantari iriri.

Yora Jesoshi yantakero kameetsayetatsiri, iro kantaincha ikisanentiri osheki atiri iriori. (1 Petero 2:21-24).

Yoabisakojeitakeri Jesoshi jokiyetachari aisati yoitinaajiri kamayetaintsiri.

Ikisanentakeri kemisantashiyetachari (fariseopee) Jesoshi, tempa ikantakeri atiripee jaoka ikantari yora kemisantashiyetachari irintini tseeyari aisati katsimari.

Impoiji, yora kemisantashiyetachari itiankakeri soraropee oromasati impasatantyariri Jesoshi aisati iroyeri.