¿Jaoka pinkantyari poijatasanotantyariri Tasorentsi Yioba?

Pinkeariobentero pinkemisantasanoteri Tasorentsi (1 Petero 5:6-9).

Ariorika kemisantashiyetachari irobametempi tseeyaantsi, pinijantareajeri, eiro pitsaroakairitsi, ari pojokanajiri.

Eiro poijatiritsi pinkatsaribentantatsiri (políticos), irointikea poijatasanoteri Ipinkatsaritantari Yioba.

Okameetsatasanoti pinkemisanteri Tasorentsi (Mateo 7:24, 25).

Pijate yapatotantari yorajei kemisantiriri Yioba. Iriorijei iramitakotempi piyotantyariri Tasorentsi.

Aikero pijatatiye piyotakoteri Tasorentsi, aisati pimonkaratero ikantayetakerika.

Ariorika piyoperoteri Tasorentsi, impoiji pinkantasanoteri pantabeeteneri iriori, aisati pibaotisatya (Mateo 28:19).

Pinkemisanteri Tasorentsi. Piñanatero Bibiria, aisati pinkanteri kemisantajeitiriri Yioba iramitakotantempiri piyotantyari. Aitake pimonkaratakero maaroni piyotakeri, pinkantyani pisaike (Salmos 37:29).