¿Paitakea ankashiakantyariri Tasorentsi antabeeteneri iriori?

Yora atiri kashiakayerine Yioba inkanteri inkeariobenteneri iriori onkantyani, aisati ikoasanoti iranteneri Tasorentsi ikoakaakeriri (Salmos 40:8). Ariorika ibaotisatya iroinijayeri itsipapee atiri ikashiakaakeri Yioba irantabeeteneri iriori. Ankanteririka Yioba antabeeteneri iro kameetsatasanotatsiri, oka ompashinitee. ¿Paita pinkashiakantyariri Tasorentsi pantabeeteneri iriori?

1. ¿Paitakea ankashiakantyariri Yioba antabeeteneri iriori?

Anintasanotiri Yioba, irotake akoantari ankashiakayeri antabeeteneri (1 Joa 4:10, 19). Okantimpi Iriñane Tasorentsi: “Oshequi catsini pinintasanoteri [Tasorentsi] pincanteani. Aisati pinquenqueshiretapiniteri” (Maricoshi 12:30). Ariorika ankenketsatakayeri Yioba aisati anteneri ikoakaakeeri, ainijayeri anintiri. Yora shirampari nintasanotirori tsinane ikoake iraabakayea, aisati arori anintiririka Yioba ari ankoanake ankashiakayeri antabeeteneri iriori, impoiji abaotisatya.

2. ¿Paita ipashitiriri Yioba kemisantiriri baotisatachari?

Ariorika pibaotisatya, pishaninkatajeari kemisantajeitiriri Yioba, kimoshire ikantajeita. Iroinijayempi Tasorentsi inintimpi, aisati abirori kiso pobanakeri (piñanatero Malaquías 3:16-18). Intomintajempi Yioba, intime osheki piyemisantaririnte nintasanotiriri Tasorentsi aisati nintasanotimpiri abirori (piñanatero Maricoshi 10:29, 30). Tekera pibaotisatya pijibate piyotasanoteri Yioba, pinintasanoteri, poinijantya pishiretari itomi, aisati pinkashiakayeri Yioba pantabeeteneri iriori onkantyani. Ariorika pimonkaratero maaroni okapee aisati pibaotisatya, ari pimatakero pinkimoshirete pisaike onkantaitatiyempani. Okanti Iriñane Tasorentsi: “Ariorica avaotisataquea [...] ashiacantiro icamimentajeitaquee Jesoquirishito, aisati itinaanaja, yoavisacojeitaquee” (1 Petero 3:21).

PIYOTASANOTERO YOTAANTSIKA

3. Maaroni ankoyeanontya jaanika anteneri

Peerani nampitsiki Israeri, aparopee israerita ikenkeshireashita irimatero inkeariobenteneri Yioba aisati inkeariobenteneri ijitasorentsitiri pajitachari Baal. Iro kantaincha okapee te onimoteriji Yioba. Irotake itiankantakariri Yioba yora kamantantatsiniri Iriashini inkenkijantyariri israeritapee. Piñanatero 1 Reyes 18:21 aisati pinkenketsatabakaajeitya:

• ¿Paita inkoyeanontyari israeritapee?

Aisati arori akempetari israeritapee, okameetsati ankoyeanontya jaanika ankemisanteri. Piñanatero Irocashi 16:13 aisati pinkenketsatabakaajeitya:

• ¿Paita kaari amatantaro ankeariobenteneri Yioba aisati ankeariobenteneri pashini?

• ¿Jaoka onkantyari ainijayeri Yioba akoyeakeri?

4. Inintasanotimpi Yioba abirori

Ipashijeitakee Yioba osheki kameetsayetatsiri. ¿Paita ampashityariri iriori? Pamenero SHIAKAANTSI.

SHIAKAANTSI: Paita amperiri Tasorentsi (3:04)

¿Jaoka okantari yoinijakempiro Yioba inintimpi? Piñanatero Salmos 104:14, 15 aisati 1 Joa 4:9, 10. Impoiji pinkenketsatabakaajeitya:

• ¿Paitakea pipasonkitantariri Yioba? Aisati, ¿paita kameetsatatsiri ipakempiri?

• Ipashitakempiro Yioba osheki kameetsatatsiri, ¿paita pikantakotiriri Yioba?

Ariorika impashitempi Tasorentsi, ari pinkoanake pimpasonkiteri, ¿tempa? Piñanatero Deuteronomio 16:17 aisati pinkenketsatabakaajeitya:

• Pinkenkeshiretero maaroni ipakempiri Yioba, ¿pikoimpa pimpasonkiteri? ¿Paita pimperiri pimpasonkitantyariri?

5. Pantabeeteneririka Tasorentsi ontimimotempi kameetsayetatsiri

SHIAKAANTSI: Nonintasanobeitaroni perota (5:45)

• Yora shirampari ñatsatarori perota, ¿paitakea yojokantanakarori oka?

• Yojokanajiro shirampari ñatsabeitaroniri perota irantabeetantyanariri Yioba, ¿yantakerompa kameetsatatsiri? ¿Paitakea pikantantari oka?

Tekera impeanajea Paboro kemisantatsiri ishitoriatakero ikanteetiri carrera profesional. Iro kantaincha yojokanajiro oka ipeantanajari kemisantatsiri. ¿Yatsipetashitakarompa yojokanajiro? Piñanatero Jiriposhisati 3:8 aisati pinkenketsatabakaajeitya:

• ¿Paitakea ikantakotantakarori Paboro yantabeitaniri okempetaka “cajara“?

• ¿Paitakea yojokantakarori Paboro yantabeitaniri?

• Ariorika pantabeeteneri Yioba, ¿kameetsampa pintime? ¿Paitakea piyotantari pintime kameetsa?

EIRO PIPEAKOTAROTSI

Anintasanotiri Yioba, irotake akoantari ankashiakayeri antabeeteneri iriori, aisati ankoye abaotisatya.

Paita piyotabakeri

• ¿Paita okameetsatantari pininteri Yioba aisati pantabeeteneri?

• ¿Paita imperiri Yioba kemisantajeitiriri baotisatachari?

• ¿Pikoakempa pinkashiakayeri Yioba pantabeeteneri?

PAMENERO PASHINIPEE

Piyotakoteri paita ikoantari irantabeeteneri Yioba yora ñatsatarori perota aisati tsinane pampoyatsiri.

Isampijeita ebankaripee... ¿Jaanika nanteneri? Nokenkeshireajiro nantabeitaniri (6:54)

Piyotero paita okameetsatantari pinkashiakayeri Yioba pantabeeteneri iriori.

“¿Por qué hay que dedicarse a Jehová?” (La Atalaya, 15 de enero de 2010)

Pamenero pampoyeantsi aisati pinkemero piyotantyarori jaoka ikantajeitari baotisajeitachari.

Nompempiro nañantari, Apa (4:30)

¿Paita okoantari tsinane antabeeteneri Yioba? Piñanatero oyenkitsare “Durante años me pregunté para qué estamos aquí”.

“La Biblia les cambió la vida” (La Atalaya, 1 de noviembre de 2012)