¿Arimpa pimatero pibaotisatya?

Pishitoriatantakarori Bibiria osheki piyotasanotakeri Yioba, aisati pojokakero pantabeitaniri kaari kameetsatatsi. Iro kantaincha tekera pibaotisatya timatsi pomerentsitantsi. Piñanatero oka yotaantsika piyotantyarori jaoka ikantakari atiri koatsiri iribaotisatya imatakero pomerentsi, aisati jaoka onkantyari abirori pimatero pomerentsitimotimpiri.

1. Tekera pibaotisatya, ¿paita piyotakoterori Bibiria?

Akoirika abaotisatya okameetsati “ayojeitero queariotatsiri” (1 Timoteo 2:4). Te inkoakayempiji Tasorentsi piyotasanotero maaroni okantayetiri Bibiria tekera pibaotisatya. Yora kemisantajeitatsiri baotisatachari te iriyotasanoteroji maaroni okantayetiri Bibiria (Corosashisati 1:9, 10). Iro kantaincha ikoake Tasorentsi piyotasanotero aparopee obametaantsi kameetsaperotatsiri. Yora jibatakantirori apatotaantsi inkamantempi pimonkaratakerorika piyotabakero okapee obametaantsi pibaotisatantyari.

2. ¿Paita pashini panteri pibaotisatantyari?

Tekera pibaotisatya pimonkaratero okantimpiri Bibiria: “Pinquenqueshirejeitanaquea, eiro piquempejeitajatsi peerani” (piñanatero Itiancaneni Jesoshi 3:19). Poinijayeri Yioba te pinkoyeji pantero kaari kameetsatatsi, aisati pamaneri inkabintsayempi. Eiro papiitajirotsi kaari kameetsatatsi, irointikea pishintsiperote pantantyarori ikoakaimpiri Tasorentsi. Pampatotapinitya aisati pimpeanajea publicador no bautizado, pinkamantante jeri ayemisantaririnte.

3. ¿Paita kaari okameetsatanta pintsaroakayearo pibaotisatya?

Aparopee atiri ikenkeshireashita eiro imatirotsi irimonkaratero ikoakairiri Yioba. Ariorika pibaotisatakea ari ontimake pomerentsitantsi, kemperi opomerentsitimotarini kemisantajeitiriniri Tasorentsi peerani. Iro kantaincha iyoti Tasorentsi arojeitake kipatsibane (piñanatero Salmos 103:13, 14). Panterorika kameetsayetatsiri, inkimoshirebentempi Yioba aisati iramitakotempi. Iriori ikanti “te intimeji jocacayerineri inintajeitaquee” (piñanatero Oromasati 8:38, 39).

PIYOTASANOTERO YOTAANTSIKA

4. Piyotasanoteri Yioba

Pikoakerika pibaotisatya, ¿paita okameetsatantari piyotasanoteri Yioba? Ariorika piyotasanoteri Yioba ari pinkoanake pinkemisanteri aisati pinintasanoteri. Pamenero SHIAKAANTSI piyotantyarori paita yantakeri ñanajeitirori Bibiria imatantakarori ibaotisajeitaka. Impoiji pinkenketsatabakaajeitya:

SHIAKAANTSI: Pinkoakerika pareetya pibaotisatya (3:56)

• ¿Paita amitakotakeriri ñanajeitirori Bibiria ibaotisajeitantakari?

Piñanatero Oromasati 12:2 aisati pinkenketsatabakaajeitya:

• ¿Pitseenkirompa okantiri Bibiria? ¿Paita pitseenkantarori? ¿Yobametantirompa kemisantiriri Yioba keariotatsiri?

• Ariorika pitseenkiro, ¿paita panteri?

5. Pimatero pomerentsitimotimpiri

Peerani abaotisajeitaka otimi opomerentsitimotee. Piyotantyarori aparoni kempetachari pamenero SHIAKAANTSI. Impoiji pinkenketsatabakaajeitya:

SHIAKAANTSI: Pinintiririka Yioba, ari pimatakero pomerentsitimotimpiri (5:22)

• Oka tsinane tekera obaotisatya, ¿paita pomerentsitimotakarori omatakeri?

• Tempa onintasanotiri Yioba, ¿paita ojokanajiri tsinane?

Piñanatero Proverbios 29:25 aisati 2 Timoteo 1:7. Impoiji pinkenketsatabakaajeitya:

• ¿Paita amitakoteene eiro atsaroakantarotsi pomerentsitimoteene?

6. Pishiretasanotyari Yioba

Iramitakotempi Yioba pantantyarori ikoakaimpiri. Pamenero SHIAKAANTSI aisati pinkenketsatabakaajeitya:

SHIAKAANTSI: Iramitakotempi Yioba (2:50)

• Osamanitake ibaotisataka shirampari, ¿paitakea isamanitantakari?

• ¿Jaoka ikantari shirampari ishiretantanajariri Yioba?

Piñanatero Salmos 46:1 aisati pinkenketsatabakaajeitya:

• Ari pimatakero pimonkaratero pikashiakaakeriri Tasorentsi. ¿Jaanika amitakotempine pimonkaratero?

7. Pimpasonkiteri Yioba inintimpi

Ariorika pinkenkeshireapinitero osheki inintimpi Yioba, aitake pinkoanake pimpasonkiteri aisati pantabeeteneri iriori. Piñanatero Salmos 40:5 aisati pinkenketsatabakaajeitya:

• Ipashitakempi Yioba kameetsayetatsiri, ¿paita ipakempiri pinintiri abirori?

Yora kamantantatsiniri Jeremiashini inintiri Yioba, inintiro iriñane aisati inintiro ikamantakotakero ibajiro Tasorentsi. Ikantake Jeremiashi: “Obeshireakaakena piñane, nokimoshireti nasankaneki nopajitakotaro pibajiro, Notasorentsite Yioba” (Jeremías 15:16, TNM). Pankero meeka okapee sampitaantsi:

• ¿Paita okameetsatantari pimpeanajea kemisantiriri Yioba?

• ¿Pikoakempa pibaotisatya pimpeantajeari kemisantiriri Yioba?

• ¿Timatsimpa tsañakotimpirori?

• ¿Paita panteri pibaotisatantyari?

EIRO PIPEAKOTAROTSI

Ari iramitakotempi Yioba otimirika pomerentsi pibaotisatantyari.

Paita piyotabakeri

• Tekera pibaotisatya, ¿paita pijibateri piyotakotero Bibiria?

• ¿Paita pashini panteri pibaotisatantyari?

• ¿Paita eiro pitsaroantatsi pibaotisatya?

PAMENERO PASHINIPEE

Pinkenkeshirempa paita pikoantari pibaotisatya.

“¿Está usted listo para bautizarse?” (La Atalaya, marzo de 2020)

Piyotero jaoka onkantyari pimatantyarori pomerentsitimotimpiri.

“¿Qué me impide bautizarme?” (La Atalaya, marzo de 2019)

Pamenero jaoka ikantakari shirampari imatakero antyaro pomerentsitimotariri ibaotisatantakari.

¿Paita kaari pibaotisatanta? (1:10)

Ibaotisataka shirampari kaari koabetacha iribaotisatya. Pamenero shiakaantsi piyotantyarori paita imatantakarori.

Ineshinonkatakena Tasorentsi Yioba (7:21)