YOTAANTSI 12
¿Paita amitakotempine aikero pishitoriatero Bibiria?
Piñanaterorika Bibiria okempeta pijate otsipaki nampitsi, iro kantaincha okomita. ¿Arimpa pimatero piñanatero Bibiria? ¿Paitakea okameetsatantari pishintsiperote? ¿Paita amitakotempine pimonkaratantyarori ompomerentsitimobetempirika?
1. ¿Paitakea okameetsatantari piñanatero Bibiria?
“Aneatsiri ini Tasorentsi, oshequi itasorentsiti; imatasanotaquero maaroni icantajeitiri” (Ijorioririnte 4:12). Ora Bibiria irotake kameetsaperotatsiri, okamantee inintee Tasorentsi. Ariorika piñanatero osheki piyote, ari amitakotempi pantero kameetsatatsiri, aisati amitakotempi pintime kameetsa koajikani. Ora Bibiria amitakotempi pintsipabintsatantyariri Yioba, ariorika piñanatero, ishire Tasorentsi omatakayempi.
2. ¿Paitakea okameetsatantari piyotero okeariotasanotirika Bibiria?
Ora obametantiri keariosanori Bibiria oshiaro manachari pinatasanotachari, irotake okantantari: “Pincoasanotero queariotasanotatsiri [...] ¡Eiro pipeashitarotsi!” (Proverbios 23:23). Piyotirorika ora Bibiria opinatasanota, aikero pishintsiperote piñanatero ompomerentsitimobetempi (piñanatero Proverbios 2:4, 5).
3. ¿Paita iranteri Yioba iramitakotantempiri aikero piñanatero?
Iriotake Yioba shintsitasanotatsiri Betsikirori maaroni aisati irinti pitsipabintsare, irotake iyotasanotantimpiri aisati ikoake piyotasanoteri iriori. Tasorentsi aitake “iramitacotapinijeitempi pimatero” (piñanatero Jiriposhisati 2:13). Pinkoakerika aikero piñanatapinitero Bibiria aisati pinkemisanteri Tasorentsi, iramitakotempi iriori. Timatsirika tsañakotimpirori piñanatero Bibiria, irishintsitakayempi Tasorentsi pimatantyarori. Pinkantyani pamanapiniteri Yioba (1 Tesaronicasati 5:17).
PIYOTASANOTERO YOTAANTSIKA
Piyotero jaoka pinkantyari aikero piñanatero Bibiria itimabeta kisanentimpiri aisati otimabeta kapichaji pitiempote. Piyotero jaoka inkantyari iramitakotempi Yioba.
4. Pijibate piñanatero Bibiria
Aparopee kitaiteri timatsi osheki pantabeere, opomerentsitimobetimpirika piñanatero Bibiria, ¿jaoka pinkantyari? Piñanatero Jiriposhisati 1:10 aisati pinkenketsatabakaajeitya:
Pinkante abiro, ¿paita pijibateri panteri?
¿Paita panteri abiro pijibatantyarori piñanatero Bibiria?
Ariorika pijibate poiminkiero impaneki, eiro pimatirotsi poiminkiero mapi.
Iro kantaincha pijibaterorika poiminkiero mapi ari pimatakero poiminkiero impaneki. Aisati pinkempetero abirori, pijibaterorika pantero “kameetsatatsiri” ari pimatakero pantero oka aisati pantayetero pashini.
Ora Bibiria amitakotee ayotasanoteri Tasorentsi aisati ankemisanteri. Piñanatero Mateo 5:3 aisati pinkenketsatabakaajeitya:
Ariorika pijibate piñanatero Bibiria, ¿jaoka pinkantyari?
5. Itimabeta tsañakotimpirori, aikero pijatatiye
Timatsirika kantajeitimpiri pojokero Bibiria pamenero iyenkitsare Franchesco. Pamenero SHIAKAANTSI aisati pinkenketsatabakaajeitya:
Ikamantantakariri Franchesco ishaninkapee aisati itsipabintsare iyotabakeri, ¿paita ikantajeitakeriri?
¿Paita okameetsatantari aikero iñanatiro Franchesco Bibiria?
Piñanatero 2 Timoteo 2:24, 25 impoiji pinkenketsatabakaajeitya:
¿Jaoka ikantanentari pishaninka iriñempirika piñanatiro Bibiria?
¿Paita okantakotiri Bibiria, jaoka pinkanteriri kaari koatsi piñanatero? ¿Paitakea?
6. Pishiretyari Yioba iramitakotempi
Aikerorika pitsipatyari Yioba ari pinkoasanote pinkemisanteri pinkimoshiretakantyariri. Ompomerentsitimotempirika pimpashinitantajeari eiro pikenkeshireajatsi, iramitakotempi Tasorentsi Yioba. Pamenero SHIAKAANTSI aisati pinkenketsatabakaajeitya:
¿Paita ipeakotanajari Jim ikemisantantajariri Yioba?
¿Paita pinebetari abishimotakeriri Jim?
Piñanatero Ijorioririnte 11:6 aisati pinkenketsatabakaajeitya:
¿Jaoka inkanteriri Yioba maaroni “coasanotatsiri irioteri”?
Ariorika pishintsiperote piñanatero Bibiria, ¿jaoka ikantanentari Yioba?
APAROPEE ATIRI ISAMPITA: “¿Paita piñanatantarori Bibiria?”.
¿Paita pankeriri abirori?
EIRO PIPEAKOTAROTSI
Ompomerentsibetakea piñanatero Bibiria amitakotempi pintimantyari onkantyani kimoshire. Aikerorika pishiretari Yioba ari intasonkakobentakempi.
Paita piyotabakeri
¿Paita pinintantarori obametiri Bibiria?
Piotakerorika “kameetsatatsiri”, ¿paita panteri?
¿Paita pamanantyariri Yioba aikero aikero piñanatantyarori iriñane?
PAMENERO PASHINIPEE
Pamenero cuatro obametaantsi amitakotempine pantakotero kameetsa pitiempote.
“Cómo invertir sabiamente el tiempo” (¡Despertad!, febrero de 2014)
Aparoni tsinane okoake onkemisanteri Tasorentsi, iro kantaincha ojime ikisakero. Pamenero jaoka ikantakari yamitakotantakarori Yioba.
Ishintsitakaajeitee Yioba amatantyarori pomerentsitimoteeri (5:05)
Pamenero jaoka okantakari okemisantakaakeri tsinane ojime.
Aparopee atiri ikanti kemisantajeitiriri Yioba yojokabakairi aabakaajeitachari, ¿keariompa?
“¿Separan los testigos de Jehová a las familias, o las unen?” (Oka sankenarentsi otimi jw.org)