¿Jaanika Jesoshi?

Osheki atiripee ikemakotakeri Jesoshi aisati iyotiro ibajiro. Iro kantaincha kapichaji atiri iyotasanojeitiro jaoka ikantari Jesoshi, itsipapee te iriyoteji jaanikampa iriori, ¿paita okantakotiriri Bibiria Jesoshi?

1. ¿Jaanika Jesoshi?

Iriotake Jesoshi shintsiri, itimi inkiteki. Yora Tasorentsi yobetsikakeri Jesoshi tekera ontimayete timayetatsiri, irotake ipajiyeetantariri “irio jivatatsiri itimi” (Corosashisati 1:15). Okanti Bibiria irinti Jesoshi “itomi irapintite” Tasorentsi, apaniro Yioba yobetsikakeri, tekatsi amitakoterine (Joa 3:16). Ikempejitakari Jesoshi Yioba yobetsikantakarori maaroni timayetatsiri (piñanatero Joa 1:2, 3). Aikero apiteroite itsipatabakaa. Iriotake Jesoshi ‘iriñane’ iriri, oka iro kantachari irinti amayetirori ikantayetiri Tasorentsi (Juan 1:14, TNM).

2. ¿Paita yainiireantakari Jesoshi kipatsiki?

Tekera oñeriji Maria shirampari, yobakenero Yioba otsomonteki Maria yañamento Jesoshi, irotake itimantakari Jesoshi yatiritapaake, oka abishimotakero peerani, abisanake 2000 osarentsi (piñanatero Irocashi 1:34, 35). Ipokake kipatsiki impeantyari Quirishito (Mesiashi) aisati irobabisakotantyariri atiripee.a Imonkaratakero Jesoshi maaroni kamantaantsi kantakotiriri Mesiashi, oka amitakotakeri atiripee iyotakero “irinti Quirishito itomi Tasorentsi” (Mateo 16:16).

3. Meeka, ¿jaoka itimiri Jesoshi?

Ikamantakari Jesoshi, itinaanaja aisati ipianajaro inkiteki, “Tasorentsi isavicacaajiri katsini” (Jiriposhisati 2:9). Meeka irinti Jesoshi angeri shintsitatsiri, apinti Tasorentsi Yioba yanaakotiri Jesoshi.

4. Kaari ini Jesoshi Tasorentsi

Otimabetaka osheki ishintsinka Jesoshi, okanti Bibiria ikemisantiri Tasorentsi, tempa irio Itasorentsite. Pamenero SHIAKAANTSI piyotantyarori okantakotiriri Bibiria Jesoshi aisati okantakotiriri Tasorentsi shintsiperotatsiri.

SHIAKAANTSI: ¿Irimpa Jesoshi Tasorentsi? (3:22)

Okapee isankenare Tasorentsi amitakotempi piyotantyarori inashita Jesoshi aisati inashita Tasorentsi. Piñanatero okapee sankenarentsi impoiji pinkenketsatabakaajeitya:

Piñanatero Irocashi 1:30-32.

• ¿Paita ikamantakerori angeri Maria? ¿Jaanikampa iriri Jesoshi?

Piñanatero Mateo 3:16, 17.

• Ibaotisatantakari Jesoshi, ¿jaanika ñanatiriri inkiteki?

• ¿Paita ikamantakotakeriri?

Piñanatero Joa 14:28.

• ¿Jaanikampa jibatatsiri? ¿Iritakempa apa, irimpa itomi?

• ¿Paita ikantantakariri Jesoshi Tasorentsi “Apa”?

Piñanatero Joa 12:49.

• ¿Iriompa Jesoshi Tasorentsi, paita ikantakeri iriori?

5. Irio Jesoshi Mesiashi

SHIAKAANTSI: Kamantaantsipee monkaratachari Jesoshiki (3:03)

Piñanatero okapee kamantaantsi otimakotiri Bibiria aisati pinkenketsatabakaajeitya:

Piñanatero Mateo 2:4-6 piyotantyarori jaoka intimeri Quirishito.b

• Okamantakee Bibiria jaoka intimeri Jesoshi, ¿omonkaratakampa oka? (Mateo 2:1).

Piñanatero Salmos 34:20 aisati Joa 19:37 piyotantyarori kamantaantsipee monkaratachari ikamantakari Jesoshi.

• ¿Omonkaratakampa kamantaantsipeeka? (Joa 19:33-37).

• ¿Omonkaratakampa te inkarajiteeteri itonki Jesoshi?

• Oka monkaratachari, ¿paita piyotakotakeriri Jesoshi?

EIRO PIPEAKOTAROTSI

Irinti Jesoshi angeri shintsitatsiri, itomi Tasorentsi aisati iriotake Mesiashi.

Paita piyotabakeri

• ¿Paitakea ipajiyeetantariri Jesoshi “jivatatsiri itimi”?

• Tekera impokeji Jesoshi kipatsiki, ¿paita yantakeri inkiteki?

• ¿Jaoka okantakari piyotabakero irinti Jesoshi Mesiashi?

PAMENERO PASHINIPEE

Piyotero keariorika irinti Jesoshi Mesiashi.

“¿Prueban las profecías de la Biblia que Jesús fue el Mesías?” (Oka sankenarentsi otimi jw.org)

¿Irintimpa Yioba iriri Jesoshi kempe atiri itimi itomi?

“¿Por qué se le llama a Jesús el Hijo de Dios?” (Oka sankenarentsi otimi jw.org)

Piyotero te onkantakoteroji Bibiria trinidad, irotake tseeyantsi.

“Jesús: ¿es Dios?” (La Atalaya, 1 de abril de 2009)

Piñanatero oyenkitsare tsinane iotakotiriri Jesoshi, jaoka okantari opashinitaja.

“Una judía explica por qué se replanteó sus creencias” (¡Despertad!, mayo de 2013)