YOTAANTSI 02

Okanti Bibiria koajika antime kameetsa

Sankenarentsipana

Maaroni kipatsiki chora osheki pomerentsi, yora atiripee yobashiretaka, ikenkeshireyeta aisati ikematsikayetakaro. ¿Abishimotimpimpa okapee? ¿Pijokiitampa abirori? ¿Pobashiretampa ikamake pishaninka? ¿Irosatimpa pashinonkaka? Okanti Bibiria koajika antime kameetsa.

1. ¿Paita okamanteeri Bibiria abisatsine koajikani?

Ora Bibiria obametee paita otimantari pomerentsi. Aisati okamantee eiro osamanititsi opomerentsitimotee, koajika ompeanajea maaroni okapee. Okanti Bibiria, Tasorentsi “icantaitatiani iveshireacaajeitaquee” (piñanatero 2 Tesaronicasati 2:16). Amitakotee Bibiria amatantyarori pomerentsi aisati ankimoshiretantyari. Aisati okanti ankimoshirete asaike irosati ankantyani.

2. ¿Jaoka ankantajeari koajikani?

Okamantee Bibiria atiripee koajika “eiro icamajeitajitsi. Eiro ishencatajatsi, eiro iquematsicatajarotsi paitapeerica” (piñanatero Irantayeteri Jesoquirishito 21:4). Koajika aitake ontsonkeari pomerentsi, eiro añajirotsi aajeri itashe atiri, irojokiitajea, aisati eiro ikamajitsi ashaninkapee. Okantaperotakeri Bibiria ankimoshirete asaike irosati onkantyani okameetsaiteti kipatsiki.

3. ¿Paita panteri pishiretantyarori okantakeri Bibiria?

Osheki atiri ikenkeshireabetaka asaike kameetsa, iro kantaincha te iriyoteji omonkaratyarika oka. Irointikea ari omonkarata okantakeri Bibiria. Ashiretasanotyaro okantakeri Bibiria ariorika “aneanatapinitiro maaroni quitaiteriqui” (Itiancaneni Jesoshi 17:11). Piñanaterorika abirori Bibiria, ari pishiretakearo okantakeri.

PIYOTASANOTERO YOTAANTSIKA

Añanatero Bibiria ayotantyari jaoka ankantyari asaike koajikani. Aisati jaoka okantari obeshireakantariri Bibiria pashini atiripee.

Shiakaantsipee: oka oinijanta abishimotiriri atiri meeka aisati abishimoterine koajika. Piñajero okapee shiakaantsi oshaabiji pashiniki página.

4. Okamantee ora Bibiria antime kameetsa ankantyani

Piñanatero jaoka ankantyari asaike koajikani. ¿Paita pikoayetiri omonkaratya? ¿Paitakea?

Piñanatero sankenatachari oshaabijinirika aisati pinkenketsatabakaajeitya:

¿Obeshireakayempi okapee sankenatachari? ¿Obeshireakayeari pishaninkapee aisati?

Pinkenkeshirero jaoka pinkantyari pintimanteari:

EIRO AÑAJIROTSI...	AÑAJERO...
... irashinonkaajea, inkenkibaritanaje aisati inkamaje atiri (1 Corintosati 15:53)	... intinaanaje kamayetaintsiri intimantajeari aka kipatsiki (Joa 5:28, 29)
... irojokiitajea aisati inkematsikatajearo atiri (Irantayeteri Jesoquirishito 21:4)	... irisaike kameetsa, aisati irebankaritanaje (Salmos 103:5)
... oashinonkayerine atiri (2 Petero 3:13)	... ontimanaje osheki iroyeari, irobetsikero kameetsa pankotsi aisati kimoshire irantabeete (Salmos 72:16; Isaías 65:21, 22)
... manataantsi (Salmos 46:9)	... irisaikasanojeite kameetsa, tekatsi ashereajeiterine (Salmos 37:11)
... inkenkeshireashityaro atiri abishimotakeriri kaari kameetsatatsi (Salmos 94:19)	... irashitasanotyaro kipatsi aisati inkantyani irisaikantyaro (Salmos 37:29)

Peerani ijokiitaka irijaniki, meeka jempanaji, yabitsanotiro iriniro.

Peerani ikenkibaritanake shirampari, meeka ipeanaja ebankari yairo iyaretiyate jero osheki yobayetari.

5. Okantakeri Bibiria ari obeshireakaajeitakee

Osheki atiri ikoabeta irobameetsatero pomerentsiyetatsiri, iro kantaincha te irimateroji, irotake ikisantari, te isaikeji kameetsa. Tsame amenero okantayetiri Bibiria obeshireakaajeitari ashaninkapee. Pamenero SHIAKAANTSI aisati pinkenketsatabakaajeitya:

SHIAKAANTSI: Te noninteroji kaari tampatikatatsi (4:07)

Shiakaantsipee timatsiri shiakaantsiki shebatachari opajita Te noninteroji kaari tampatikatatsi. 1. Ojananekibeitani Rafika aake ampeji, otsipataro oshaninkapee. 2. Rafika irobakera apatotempa antyaroiteki apatotaantsi irashi kemisantiriri Yioba. Kimoshire oñajeitapaajiri atiripee poñayetachari pashinipeeki nampitsi.

Piñakero oka shiakaantsika, ¿paita okisantakari Rafika?
Te ontsonkeaji opomerentsitimotaro Rafika, iro kantaincha ¿jaoka okantakari Bibiria obeshireakaakaro Rafika?

Okantakeri Bibiria amitakotee eiro ashemantatsi aisati kimoshire amatantyarori pomerentsi. Piñanatero Proverbios 17:22 aisati Oromasati 12:12, aisati pinkenketsatabakaajeitya: