¿Jaoka okantari yobabisakotee Jesoshi?

Yora Aran aisati Eva te inkemisanteriji Tasorentsi, irotake otimantakari kaari kameetsatatsi (pecado),a ashinonka aisati akamajeiti. Iro kantaincha itiankakeri Yioba Jesoquirishito irobabisakotantajeeri. Obametee Bibiria ikamimentakeeri Jesoshi okempeta ipinatakotakero añantari (piñanatero Mateo 20:28). Ishinetakotaka Jesoshi yoyeetakeri amatantajearori antimaje kempe Aran aisati Eva, oka yantakeri Jesoshi oinijee inintee iriori aisati Yioba. Piyotakotero yotaantsika pimpasonkiteri Jesoshi ikamimentakee.

1. Meeka, ¿jaoka okantari amitakotee ikamimentakee Jesoshi?

Timatsi antane irotake antantarori kaari kameetsatsi, iro kantaincha ari amatakero antsipabintsatyari Tasorentsi tempa ikamimentakee Jesoshi. Irimatero Yioba inkabintsayee ariorika ampashinitanajea, ankanteririka inkabintsayee aisati ariorika ashintsiperote eiro antantajarotsi kaari kameetsatatsi (1 Joa 2:1). Okanti Bibiria “oshequi antayetaquero caari cameetsatatsi, iro cantaincha icameetsatasanotaque irinti Quirishito. Icamimentajeitaquee” (1 Petero 3:18).

2. Koajikani, ¿jaoka onkantyari amitakotee ikamimentakee Jesoshi?

Itiankakeri Yioba itomi kipatsiki ikamimentantakeeri, “eiro ikamanentantajatsi shiretajariri iriori, irointikea onkantaitatiyempani intime” (Juan 3:16, TNM). Koajikani Tasorentsi Yioba intsonkajero yamashitakari Aran tempa Jesoshi ikamimentakeri atiripee. Ashiretajearirika ikamimentakee Jesoshi ari amatakero antimaje kameetsaiteriki kipatsi ankantaitatiyempani (Jiriposhisati 4:19).

PIYOTASANOTERO YOTAANTSIKA

3. Ikamimentakee Jesoshi yoipakaakobentakee

SHIAKAANTSI: ¿Paita ikamantakari Jesoshi? (shiakaantsi 1) (2:01)

• Ipiatsatantakariri Aran Tasorentsi, ¿paita ipiakeri Aran?

Piñanatero Oromasati 5:12 aisati pinkenketsatabakaajeitya:

• ¿Paita ipajenkakempiri Aran?

Piñanatero 1 Joa 4:9 aisati pinkenketsatabakaajeitya:

• ¿Paitakea itiankantakariri Yioba itomi kipatsiki?

1. Irintini Aran ikameetsatini shirampari, iro kantaincha ipiatsatantakariri Tasorentsi ipajenkakeri atiripee kaari kameetsatatsi, irotake ikamajeitantari.

2. Irintini Jesoshi ikameetsatini shirampari, tempa ikemisantakeri Tasorentsi yoipakaakobentakeri atiripee intimantajeari kameetsa onkantaitatiyempani.

4. Ikamimentakee Jesoshi maaroni

SHIAKAANTSI: ¿Paita ikamantakari Jesoshi? (shiakaantsi 2) (2:00)

• ¿Paitakea imatantakarori aparoni shirampari yobabisakojeitakeri maaroni atiri?

Piñanatero 1 Timoteo 2:5, 6 aisati pinkenketsatabakaajeitya:

• Irintini Aran ikameetsatini shirampari, ipajenkakeri atiripee yantakero kaari kameetsatatsi. Irintini Jesoshi ikameetsatini shirampari, ¿paita yantakeri yobabisakotantajariri atiripee?

5. Ipashitakempi Yioba oipakaakobentaantsi

Shaninkatajariri Yioba iyotiro iriori yoipakaakobentajeitakee maarojeini. Piyotantyarori aparoni kempetachari piñanatero Carashiasati 2:20 aisati pinkenketsatabakaajeitya:

• Ikantake Paboro: ‘Ikamimentakena Jesoshiʼ, ¿paita ikantantakari oka?

Yantakero Aran kaari kameetsatatsi, irotake ikamantari icharinepee. Iro kantaincha Yioba itiankakeri itomi kipatsiki pimatantyarori abiro pintimaje onkantaitatiyempani.

Ariorika piñanatero oka sankenarentsi pinkenkeshireakotero jaoka ikantanentakari Yioba iñantakariri itomi yashinonkaka. Piñanatero Joa 19:1-7 aisati 16-18. Impoiji pinkenketsatabakaajeitya:

• Tempa Yioba jeri Jesoshi yeshinonkatakempi, ¿jaoka pikantashirenentari?

EIRO PIPEAKOTAROTSI

Tempa ikamimentakee Jesoshi ikabintsajeitakee Yioba, aisati amatero antimaje onkantaitatiyempani.

Paita piyotabakeri

• ¿Paitakea ikamimentantakeeri Jesoshi?

• ¿Paitakea imatantakarori Jesoshi yobabisakojeitakee? ¿Jaoka okantaniri ibatsa Jesoshi?

• ¿Jaoka okantari amitakotimpi ikamimentakempi Jesoshi?

PAMENERO PASHINIPEE

¿Paitakea okempetantarori yañantari Jesoshi pashitaantsi?

“¿En qué sentido es el sacrificio de Jesús un ‘rescate por muchos’?” (Oka sankenarentsi otimi jw.org)

Piyotero jaoka ankantyari ababisakotaje.

“¿De qué manera nos salva Jesús?” (Oka sankenarentsi otimi jw.org)

¿Ikabintsairompa Yioba antyaro kaari kameetsatatsi?

“Preguntas sobre la Biblia” (La Atalaya, 1 de mayo de 2013)

Aparoni shirampari iyotaji paita ikamantakari Jesoshi. Oka amitakotakeri irisaikantyari kameetsa, piñanatero iyenkitsare.

Ya no soy esclavo de la violencia” (Oka sankenarentsi otimi jw.org)