Chì hè u reame di Diu ?

1. Chì hè u reame di Diu ?

U reame di Diu ghjè un guvernu chì si trova in celu. Hà da rimpiazzà tutti l’altri guverni è hà da fà chì a vuluntà di Diu si còmpii in celu è nant’à a terra. Eccu una bona nutìzia ! L’umani anu bisognu d’un bon guvernu, è u reame di Diu suddisferà ssu bisognu. Hà da unì tutti l’abitanti di a terra. — Leghje Daniellu 2:44 ; Matteu 6:9, 10 ; 24:14.

Tutti i reami anu un rè. Ghjehova hà sceltu u so Figliolu, Ghjesù Cristu, per esse u Rè di u so reame. — Leghje Apocàlisi 11:15.

Fighjà a vìdeo Chì hè u Reame di Diu ?

2. Perchè Ghjesù hè u Rè perfettu ?

U Figliolu di Diu hè u Rè perfettu perchè hè pienu di buntà è difende sempre ciò chì hè bè (Matteu 11:28-30). Ghjè da u celu ch’ellu guvernerà a terra. Hè dunque abbastanza putente per aiutà l’omi. Dopu a so resurrezzione, hè turnatu in celu è s’hè messu à pusà « à a diritta di Diu » in l’aspittera di diventà Rè (Ebrei 10:12, 13). Più tardi, Diu l’hà fattu Rè di u so reame. — Leghje Daniellu 7:13, 14.

3. Quale hà da guvernà cù Ghjesù ?

Un gruppu chjamatu « i santi » hà da guvernà cù Ghjesù in celu (Daniellu 7:18). I primi santi chì sò stati scelti eranu l’apòstuli fidi di Ghjesù. Fin’à oghje, Ghjehova sceglie sempre omi è donne fidi. Cum’è Ghjesù, sò risuscitati cù un corpu spirituale. — Leghje Ghjuvanni 14:1-3 ; 1 Curintini 15:50.

È fà è fà, quantu umani anderanu in celu ? Ghjesù hà dettu una « bandigliola » (Lucca 12:32). Seranu 144 000 è guverneranu a terra cù Ghjesù. — Leghje Apocàlisi 14:1.

4. Chì s’hè passatu quandu Ghjesù hè diventatu Rè ?

U reame di Diu hè statu stabilitu in lu 1914a. Prima di tuttu, ch’hà fattu Ghjesù dopu esse diventatu Rè ? Hà lampatu à Satanassu è i so demonii nant’à a terra. Satanassu era cusì arrabbiatu, ch’ellu hà pruvucatu prublemi in u mondu sanu (Apocàlisi 12:7-10, 12). Dipoi, i guai di l’umanità sò crisciuti assai assai. E guerre, e carestie, e malatìe è i trambusti di terra fàcenu parte di un « segnu » chì mostra chì, da quì à pocu, u Reame hà da piglià in manu l’affari di a terra. — Leghje Lucca 21:7, 10, 11, 31.

5. Oghje chì face u reame di Diu ?

Per mezu di a predicazione, u reame di Diu permette à assai assai ghjente di tutti i paesi d’esse uniti. Milioni d’omi è di donne ùmili divèntanu citatini di u reame chì Ghjesù hà da direge. U reame di Diu i metterà à l’aggrottu quand’ellu distrughjerà u mondu di oghje. Vale à dì chì quelli chì vòlenu gode di i benfatti di stu reame dèvenu sceglie à Ghjesù da Rè è ubbidilli. — Leghje Apocàlisi 7:9, 14, 16, 17.

À u longu di 1 000 anni, u Reame hà da còmpie ciò ch’avìa privistu Diu à u princìpiu per l’umani. A terra sana diventerà un paradisu. In fatta fine, Ghjesù rimetterà u Reame à u so Babbu (1 Curintini 15:24). Voi, cù quale avete a vòglia di parlà di u Reame di Diu ? — Leghje Salmu 37:10, 11, 29.