LEZZIÒ 10

Cume ricunnosce a vera religione ?

1. Ci serà chè una sola vera religione ?

Ghjesù in traccia d’insegnà — « Guardàtevi da i falsi prufeti » (MATTEU 7:15).

Ghjesù hà amparatu à i so discìpuli una sola religione, a vera. Hà dettu ch’ella hè cum’è una strada chì cunduce à a vita eterna è chì « ci n’hè pocu chì [...] tròvanu » ssa strada (Matteu 7:14). Diu ùn accetta chè a religione chì s’appoghja nant’à a so Parolla, induve ci hè a verità. Tutti i veri aduratori di Diu sò uniti in una sola fede. — Leghje Ghjuvanni 4:23, 24 ; 14:6 ; Efesini 4:4, 5.

Fighjà a vìdeo Diu accetta tutte e religione ?

2. Chì hà dettu Ghjesù nant’à i farzi cristiani ?

Capu religiosu chì predicheghja da u pùlpitru, eppò chì benedisce i suldati — « Dìcenu ch’elli cunnòscenu à Diu, ma u rinnèganu cù e so òpere » (TITU 1:16).

Ghjesù hà dettu à i so discìpuli d’esse attenti chì farzi prufeti avìanu da guastà a religione ch’ellu li avìa amparatu. Sti farzi prufeti pàrenu esse veri aduratori di Diu. È e so Chjese dìcenu ch’elle sò cristiane. Ma si ponu ricunnosce ssi farzi cristiani. Solu a vera religione dà veri cristiani. È si ponu ricunnosce i veri cristiani à e so qualità è à i so fatti. — Leghje Matteu 7:13-23.

3. Cume pudete riscunnosce i veri aduratori di Diu ?

Eccu cinque stampe per pudè ricunnosceli :

I veri aduratori rispèttanu a Bìbbia. Per elli, ghjè a Parolla di Diu. Cèrcanu in veru di seguità i so princìpii. Dunque, a vera religione ùn hè micca cum’è e religione chì s’appòghjanu nant’à u parè d’omi (Matteu 15:7-9). I veri aduratori di Diu ùn predichèghjanu micca una cosa per fanne un’altra. — Leghje Ghjuvanni 17:17 ; 2 Timuteu 3:16, 17.
I veri discìpuli di Ghjesù unurèghjanu u nome di Diu, Ghjehova. Ghjesù hà unuratu u nome di Diu fendulu cunnosce. Hà aiutatu l’omi à cunnosce à Diu è li hà amparatu à pregà ch’ellu sìa santificatu u so nome (Matteu 6:9). Induve vo state, qualessa hè a religione chì face cunnosce u nome di Diu ? — Leghje Ghjuvanni 17:26 ; Rumani 10:13, 14.
I veri cristiani predichèghjanu u reame di Diu. Diu hà mandatu à Ghjesù nant’à a terra per predicà a bona nova di u Reame. Ssu reame hè a sola speranza per l’umani. Ghjesù ne hà parlatu fin’à u ghjornu di a so morte (Lucca 4:43 ; 8:1 ; 23:42, 43). Hà dettu chì ancu i so discìpuli predicherìanu ssu reame. Qualchissìa hè dighjà vinutu à parlavvi di u reame di Diu ? D’appressu à voi, qualessa hè a so religione ? — Leghje Matteu 24:14.
I veri discìpuli di Ghjesù ùn fàcenu micca parte di stu mondu gattivu. Cume ricunnosceli ? Ùn fàcenu micca pulìtica è ùn pìglianu micca parte indè i cunflitti suciali (Ghjuvanni 17:16 ; 18:36). Di più, righjèttanu e manere di pensà è e manere di fà gattive di a ghjente di ssu mondu. — Leghje Ghjàcumu 4:4.
I veri cristiani anu un amore tremendu l’uni per l’altri. Gràzia à a Parolla di Diu, ampàranu à rispettà a ghjente di tutti i paesi. Allora chì spessu e farze religione danu un sustegnu maiò à e guerre, i veri aduratori di Diu, elli, ricùsanu di falla (Michea 4:1-3). Impièganu piuttostu cù larghezza u so tempu è i so mezi per aiutà è incuraghjì à l’altri. — Leghje Ghjuvanni 13:34, 35 ; 1 Ghjuvanni 4:20.

4. D’appressu à voi, qualessa hè a vera religione ?

Qualessa hè a religione chì appoghja tutti i so insignamenti nant’à a Parolla di Diu ? Qualessa hè a religione chì unureghja u nome di Diu ? Qualessa hè a religione chì predicheghja chì u reame di Diu hè a sola speranza per l’umanità ? Qualessa hè a religione di quelli chì si tènenu caru daveru è chì ùn pìglianu parte à e guerre ? Chì ne pensate ? — Leghje 1 Ghjuvanni 3:10-12.

Per sapenne di più, vede u libru Que nous enseigne la Bible ?, capìtulu 15.