« Chì u to regnu venghi ! » : una prighera chì milioni di ghjente ripètenu è ripètenu

Avete digià prigatu per chì u regnu di Diu venghi ? Dapoi sèculi, milioni di ghjente ripètenu e parolle : « Chì u to regnu venghi ! » Perchè fàcenu sta prighera ? Perchè Ghjesù hà dettu à i so discìpuli di prigà pè u regnu, o « reame », di Diu.

Prima, i discìpuli di Ghjesù ùn capìanu micca tuttu ciò ch’ellu dicìa nant’à u Reame. Un ghjornu, li anu dumandatu : « Signore, ghjè in ssu tempu chì tù hai da ristabilisce u regnu d’Israele ? » Forse sò stati stunati chì Ghjesù ùn abbia datu una risposta diretta (Atti 1:6, 7). Vole dì ch’ùn si pò sapè ciò chì hè u reame di Diu nè quandu hà da ghjunghje ? Innò !

Stu nùmaru di A Torra Sentinella v’hà da aiutà à scopre a risposta à sse dumande :

Chì hè u reame di Diu ?
Perchè ne avemu bisognu di u reame di Diu ?
Quale hè u Rè di stu reame ?
Quandu hè chì stu reame hà da guvernà a terra ?
Ch’hà da compie ?
Perchè fà a scelta di sustene u Reame avale ?