Chì bone nutìzie Diu hà per noi ?

1. Qualesse sò sse nutìzie ?

Diu vole chè no càmpimu beati nant’à a terra. Hà creatu a terra è tuttu ciò chì si trova nantu perchè ci tene caru. Frà pocu, hà da agì : hà da rigalà un avvene più bellu à tutti l’umani, pocu impreme u so paese. Li derà cunfortu fendu smarì tutte e càuse di suffrenze. — Leghje Ghjerèmia 29:11.

Mai un guvernu ùn hà riisciutu à sterpà a viulenza, e malatìe o a morte. Ma ci sò bone nutìzie ! Da quì à pocu, Diu hà da rimpiazzà tutti i guverni umani pè u so pròpriu guvernu. I citatini di u guvernu di Diu camperanu in pace è in piena salute. — Leghje Esàia 25:8 ; 33:24 ; Daniellu 2:44.

2. Perchè ghjè impurtantìssimu di cunnosce sse bone nutìzie ?

E suffrenze ùn smarisceranu chè quandu Diu ferà smarì i gattivi di a terra (Sofònia 2:3). Accaderà quandu ? A Parolla di Diu, a Bìbbia, avìa predettu e cundizione tremende chè no cunnuscimu oghje. Tuttu ciò chì accade oghje hè a prova chì, frà pocu, Diu hà da agì. — Leghje 2 Timuteu 3:1-5.

3. Chì ci tocca à fà ?

Ci vole à amparà à cunnosce à Diu studiendu a so Parolla, a Bìbbia. Ella hè un pocu cum’è una lettera d’un babbu pienu d’amore. Ella ci dice chì fà per avè una vita più bella oghje è dinù per campà in eternu nant’à a terra à l’avvene. Pò dassi ùn piacerà micca à certi chì qualchissìa v’aiutessi à capì a Bìbbia. Ma avete l’oppurtunità d’avè un avvene più bellu : ùn la lasciate passà ! — Leghje Pruvèrbii 29:25 ; Apocàlisi 14:6, 7.