A Bìbbia vene daveru da Diu ?

1. Quale hè l’Autore di a Bìbbia ?

L’umani camperanu per sempre nant’à a terra : ghjè indè a Bìbbia chì si trova ssa bona nutìzia (Salmu 37:29). A Bìbbia cuntene 66 libri. Diu hà adupratu circa 40 omi di fede per scriveli. I cinqui primi libri sò stati scritti da Mosè circa 3 500 anni fà. L’ùltimu libru hè statu scrittu da l’apòstulu Ghjuvanni più di 1 900 anni fà. L’omi aduprati da Diu anu scrittu pensamenti sòi ? Innò, sò e pensate di Diu ch’anu scrittu. Diu era in relazione cun elli per mezu di u so spìritu santu (2 Samuellu 23:2). Ghjè dunque Ghjehova l’Autore di a Bìbbia. — Leghje 2 Timuteu 3:16 ; 2 Petru 1:20, 21.

Fighjà a vìdeo Quale hè l’Autore di a Bìbbia ?

2. Cume pudemu esse sicuri chì a Bìbbia vene da Diu ?

Sapemu chì a Bìbbia vene da Diu perchè predisce l’avvene cù esattitùdine è senza sbagliassi. Manc’un omu hè capace di fà què (Ghjosuè 23:14). Ùn ci hè chè u Diu Onniputente chì pò fà cunnosce capunanzu l’avvene di l’umani. — Leghje Esàia 42:9 ; 46:10.

Un libru chì vene da Diu ùn pò esse un libru cum’è l’altri. È a Bìbbia ùn hè micca un libru cum’è l’altri : A truvemu in centinaie di lingue, è miliarde di bìbbie sò state stampate. A Bìbbia hè un libru anzianu, ma hè esatta quand’ella parla di sughjetti scientìfichi. Quelli chì l’anu scritta ùn si sò micca cuntradettia. U messaghju d’amore di a Bìbbia ùn pò vene chè da u veru Diu, u Diu d’amore. È oghje torna, hà u putere di migliurà a vita di a ghjente. Ghjè per quessa chì milioni di persone sò sicure chì a Bìbbia hè a Parolla di Diu. — Leghje 1 Tessaluninchi 2:13.

Serà stata mudificata a Bìbbia cù u tempu ? I manuscritti di a Bìbbia, chì anu più di 2 000 anni, accèrtanu chì ssi scritti chì vènenu da Diu sò stati trasmessi cù fideltà (Esàia 40:8). Diu ùn hà micca permessu chì a so Parolla sìa falsificata. — Leghje Salmu 12:7, 8 ; 1 Petru 1:24, 25.

Fighjà a vìdeo Cume esse sicuri chì a Bìbbia vene da Diu ?

3. Di cosa parla a Bìbbia ?

A Bìbbia parla assai di ssa bona nutìzia : Diu hà un prughjettu pienu d’amore per l’umani. Ella spiega chì l’umani anu persu à l’infùria a pussibilità di campà indè u paradisu. Ma ella spiega dinù chì, infine, un ghjornu, camperanu in un paradisu nant’à a terra. — Leghje Apocàlisi 21:4, 5.

Indè a Bìbbia ci sò legge, princìpii è cunsigli. In più, ci sò raconti chì fàcenu vede cume Diu tratta l’umani. Per mezu di ssi raconti, pudemu scopre a persunalità di Diu. A Bìbbia pò dunque aiutavvi à cunnosce à Diu. Ella spiega cume pudete diventà u so amicu. — Leghje Salmu 19:8, 12 ; Ghjàcumu 2:23 ; 4:8.

4. Chì ghjè chì vi pò aiutà à capì a Bìbbia ?

Stu librettu v’aiuterà à capì a Bìbbia perchè adopra u listessu mètudu chì Ghjesù. Ghjesù citava stratti di e Scritture è ne spiegava u sensu. — Leghje Lucca 24:27, 45.

E bone nutìzie chì vènenu da Diu sò daveru appassiunante ! Purtantu, à certi ste nutìzie ùn l’interèssanu micca. Altri ùn ne vòlenu mancu sente parlà. Ma ùn vi scuragite micca. Ghjè solu amparendu à cunnosce à Diu chì vo pudete sperà campà in eternu. — Leghje Ghjuvanni 17:3.