Chì speranza ci hè pè i morti ?

1. Per ciò chì tocca i morti chì bona nutìzia ci hè ?

Ghjesù avìa un amicu, Làzaru, chì stava in Betània, vicinu à Ghjerusalemme. Un ghjornu, u so amicu hè mortu. Ghjesù ùn hè ghjuntu in Betània chè quattru ghjorni dopu. Ghjè andatu à a tomba cù Marta è Maria, e surelle di Làzaru. Sùbitu sùbitu, una mansa di ghjente s’hè fatta ingiru à elli. È tandu, Ghjesù hà fattu rivene à a vita à Làzaru. Chì giòia per Marta è Maria ! — Leghje Ghjuvanni 11:21-24, 38-44.

Per ciò chì tocca i morti, Marta cunnuscìa dighjà a bona nutìzia. Sapìa chì Ghjehova avìa da risuscità i morti per ch’elli càmpinu torna nant’à a terra. — Leghje Ghjobbe 14:14, 15.

2. Chì si passa dopu a morte ?

L’omi sò fatti di pòlvera (Gènesi 2:7 ; 3:19). Simu di carne è d’osse. Ùn simu micca spìriti chì càmpanu nentru corpi di carne. Vale à dì chì, à a nostra morte, nisuna parte di noi cuntinueghja à campà. Quandu qualchissìa more, u so cerbellu more anch’ellu. Ùn pensa più è ùn hà più sentimenti. I morti ùn sò cuscienti di nunda. A prova, Làzaru, chì hè mortu è chì hè statu risuscitatu, ùn hà mai cuntatu nunda nant’à una vita dopu a morte. — Leghje Ecclesiasta 9:5, 6, 10.

Serà vera chì dopu a morte, Diu face soffre certi umani ind’u focu ? A Bìbbia ampara chì i morti ùn sò cuscienti di nunda. L’insignamentu di l’infernu hè dunque una bugìa chì inghjulieghja à Diu. L’idéa di fà soffre omi ind’u focu u stumaca. — Leghje Deuterònumu 12:31.

Fighjà a vìdeo Chì si passa dopu a morte ?

3. I morti ponu parlacci ?

I morti nè pàrlanu nè sèntenu (Salmu 115:17). Ma certi ànghjuli gattivi pàrlanu cù l’omi è li fàcenu crede ch’elli sò omi morti (2 Petru 2:4). Ghjehova ci difende di cercà à parlà cù i morti. — Leghje Deuterònumu 18:10, 11.

4. Quale serà risuscitatu ?

Milione di persone chì sò morte seranu rese à a vita nant’à a terra. Ancu quelli chì ùn anu micca cunnusciutu à Diu è chì anu fattu cose gattive seranu risuscitati. — Leghje Lucca 23:43 ; Atti 24:15.

Quelli chì seranu risuscitati averanu a pussibilità d’amparà a verità nant’à Diu è di fà vede ch’elli anu fede in Ghjesù ubbidiscènduli (Apocàlisi 20:11-13). Quelli chì feranu cose bone puderanu campà per sempre nant’à a terra. — Leghje Ghjuvanni 5:28, 29.

5. Cosa ci ampara nant’à Ghjehova a resurrezzione ?

Diu hà mandatu u so Figliolu nant’à a terra more per noi. Ghjè dunque gràzia à Diu ch’ellu ci hè una speranza pè i morti. A resurrezzione ghjè a prova chì Ghjehova ci tene caru è ch’ellu hè bonu cù noi ancu sè ùn lu meritemu micca. Voi, trà quelli chì seranu risuscitati, avete a brama di vede à quale ? — Leghje Ghjuvanni 3:16 ; Rumani 6:23.