ᐊᐑᓇ ​ ᐊᓇ ​ ᒋᓴᐢ?

ᒋᐦᐋᐘ ​ ᑮ ᐯ ᐃᑎᓴᐦᐍᐤ ​ ᒋᓴᓴ ​ ᐆᑕ ​ ᐊᐢᑮᕽ᙮ ​ 1 ᒑᐣ 4:9

ᑮᐢᐱᐣ ​ ᑭᓅᐦᑌ ᓇᐦᐁᔨᐦᑕᒥᐦᐋᓇᐤ ​ ᒋᐦᐋᐘ, ​ ᑲ ᓂᑐᐦᑕᐚᔭᕽ ​ ᐳᑯ ​ ᑯᑕᐠ ​ ᐁ ᒥᐢᑕᐦᐃᑖᑯᓯᐟ ​ ᐊᔨᓯᔨᓂᐤ᙮ ​ ᒣᑐᓂ ​ ᑲᔮᐢ, ​ ᐹᒷᔦᐢ ​ ᐁ ᐅᓰᐦᐋᐟ ​ ᐋᑕᒷ, ​ ᒋᐦᐋᐘ ​ ᑮ ᐅᓰᐦᐁᐤ ​ ᐯᔭᐠ ​ ᐁ ᓲᐦᑳᑎᓯᔨᐟ ​ ᐊᐦᒐᐦᑿ ​ ᑭᐦᒋ ᑮᓯᑯᕽ᙮

ᒭᐢᑕᐢ, ​ ᒋᐦᐋᐘ ​ ᑮ ᐯ ᐃᑎᓴᐦᐍᐤ ​ ᐆᐦᐃ ​ ᑲ ᐯ ​ ᓂᐦᑖᐏᑭᔨᐟ ​ ᐯᐟᓬᐃᔭᒥᕽ ​ ᐅᐢᑭᓃᑭᐢᑵᐘ ​ ᐅᐦᒋ, ​ ᒣᕒᐃ ​ ᐁ ᐃᓯᔨᐦᑳᓱᔨᐟ᙮ ​ ᐊᓇ ​ ᐊᐚᓯᐢ ​ ᑮ ᒥᔮᐤ ​ ᐑᐦᐅᐏᐣ ​ ᒋᓴᐢ᙮ ​ ᒑᐣ 6:38᙮

ᐁᑯᐢᐲ ​ ᑳ ᓈᐯᐏᐟ ​ ᐆᑕ ​ ᐊᐢᑮᕽ, ​ ᒋᓴᐢ ​ ᒣᑐᓂ ᑿᔭᐢᐠ ​ ᑮ ᓅᑯᐦᑖᐤ ​ ᑭᓭᒪᓂᑐᐤ ​ ᐅᑖᑎᓯᐏᓇ᙮ ​ ᑮ ᑭᓭᐚᑎᓯᐤ, ​ ᑮ ᓵᑭᐦᐃᐍᐤ, ​ ᒦᓇ ​ ᐊᔨᓯᔨᓂᐘ ​ ᑮ ᒥᔰᔨᒥᑯᐤ᙮ ​ ᓇᒨᔭ ​ ᐑᐦᑳᐨ ​ ᑯᐢᑕᒼ ​ ᑲ ᑭᐢᑭᓄᐦᐊᒪᐚᐟ ​ ᑯᑕᑲ ​ ᑖᐻᐏᓇ ​ ᒋᐦᐋᐘ ​ ᐅᐦᒋ᙮

ᑮ ᒥᔪ ᐃᑑᑕᒼ ​ ᒋᓴᐢ ​ ᒫᑲ ​ ᑮ ᐸᒁᑖᐤ᙮ ​ 1 ᐱᑕᕒ 2:21–24

ᒋᓴᐢ ​ ᒦᓇ ​ ᑮ ᓇᓈᑕᐏᐦᐁᐤ ​ ᑳ ᐋᐦᑯᓯᔨᐟ ​ ᐁᑿ ​ ᒦᓇ ​ ᑮ ᐘᓂᐢᑳᓀᐤ ​ ᐋᑎᐦᐟ ​ ᑳ ᑮ ᓂᐱᔨᐟ᙮

ᐅᑕᔭᒥᐦᐋᐏ ᓃᑳᓃᐘᐠ ​ ᑮ ᐸᒁᑌᐘᐠ ​ ᒋᓴᓴ ​ ᐏᔭ ​ ᐁ ᑮ ᓅᑯᐦᑖᔨᐟ ​ ᐅᑭᔮᐢᑭ ᑭᐢᑭᓄᐦᐊᒫᑫᐏᓂᐚᐘ ​ ᒦᓇ ​ ᐅᒪᒋ ᐃᓰᐦᒋᑫᐏᓂᐚᐘ᙮

ᐅᑕᔭᒥᐦᐋᐏ ᓃᑳᓃᐘᐠ ​ ᑮ ᓵᑰᒋᒣᐘᐠ ᕒᐅᒪᓇ ​ ᑲ ᓅᒋᐦᐋᔨᐟ ​ ᒋᓴᓴ ​ ᐁᑿ ​ ᑲ ᓂᐸᐦᐋᔨᐟ᙮