ᑖᓂᓯ ​ ᒫᑲ ​ ᐅᓂᐳᐏᐣ ​ ᒋᓴᐢ ​ ᐁ ᐃᑘᒪᑲᕽ ​ ᑭᔭ ​ ᐅᐦᒋ?

ᒋᓴᐢ ​ ᑮ ᓂᐳᐤ ​ ᑭᔮᓇᐤ ​ ᐅᐦᒋ ​ ᑲ ᐱᒫᑎᓯᔭᕽ᙮ ​ ᒑᐣ 3:16

ᓂᐢᑐ ​ ᑮᓯᑳᐤ ​ ᐁ ᐃᐢᐸᔨᐠ ​ ᑳ ᑮ ᓂᐱᐟ ​ ᒋᓴᐢ, ​ ᐋᑎᐦᐟ ​ ᐃᐢᑵᐘᐠ ​ ᑮ ᐃᑐᐦᑌᐘᐠ ​ ᐃᑕ ​ ᑳ ᑮ ᓇᐦᐃᓂᒥᐦᐟ, ​ ᓇᒹᐨ ​ ᒫᑲ ​ ᑮᑿᐩ ​ ᑮ ᒥᐢᑲᒷᐠ᙮ ​ ᒋᐦᐋᐘ ​ ᑮ ᐘᓂᐢᑳᓀᐤ ​ ᒋᓴᓴ ​ ᓂᐳᐏᓂᕽ ​ ᐅᐦᒋ᙮

ᒭᐢᑕᐢ, ​ ᒋᓴᐢ ​ ᑮ ᓅᑯᓰᐢᑕᐍᐤ ​ ᐅᐟᓴᐦᐚᑲᓇ᙮

ᐁᐦᐊ, ​ ᒋᐦᐋᐘ ​ ᑮ ᐘᓂᐢᑳᓀᐤ ​ ᒋᓴᓴ, ​ ᐁ ᒪᐢᑲᐏᓰᐟ ​ ᐊᐦᒐᕽ ​ ᑳᑭᑫ ​ ᑲ ᐃᐦᑖᐤ᙮ ​ ᒋᓴᐢ ​ ᐅᑭᐢᑭᓄᐦᐊᒪᐚᑲᓇ ​ ᑮ ᐚᐸᒥᐠ ​ ᐁ ᐃᑐᐦᑌᔨᐟ ​ ᐃᐢᐱᒥᕽ ​ ᑭᐦᒋ ᑮᓯᑯᕽ᙮

ᑭᓭᒪᓂᑐᐤ ​ ᑮ ᐘᓂᐢᑳᓀᐤ ​ ᒋᓴᓴ, ​ ᒦᓇ ​ ᑮ ᑭᐦᒋ ᐅᑭᒫᐏᐦᐁᐤ ​ ᐅᑭᐦᒋ ᐅᑭᒫᐏᐏᓂᕽ᙮ ​ ᑖᓂᐁᓬ 7:13, 14

ᒋᓴᐢ ​ ᑮ ᐸᑭᑎᓇᒼ ​ ᐅᐱᒫᑎᓯᐏᐣ ​ ᑲ ᑎᐸᐦᐃᑫᐢᑕᒪᐚᐟ ​ ᐊᔨᓯᔨᓂᐘ᙮ ​ (ᒫᐟᔪ 20:28) ​ ᐁᐘᑯ ​ ᐅᐦᒋ ​ ᑭᓭᒪᓂᑐᐤ ​ ᑮ ᐃᑑᑕᒼ ​ ᑲ ᑮ ᐱᒫᑎᓯᔭᕽ ​ ᑳᑭᑫ᙮

ᒋᐦᐋᐘ ​ ᑮ ᓇᐘᓲᓀᐤ ​ ᒋᓴᓴ ​ ᑲ ᑭᐦᒋ ᐅᑭᒫᐘᐱᐢᑕᒥᔨᐟ ​ ᐊᐢᑭᐩ᙮ ​ ᑲ ᐑᒑᔮᒥᐠ ​ 144,000 ​ ᑳ ᑖᐻᔨᐦᑕᒥᔨᐟ ​ ᐊᔨᓯᔨᓂᐘ, ​ ᐊᓂᑭ ​ ᑳ ᑮ ᐘᓂᐢᑳᓈᐟ ​ ᐊᐢᑮᕽ ​ ᐅᐦᒋ, ​ ᑲ ᐱᒫᑎᓯᐘᐠ ​ ᑭᐦᒋ ᑮᓯᑯᕽ᙮ ​ ᒋᓴᐢ ​ ᐁᑿ ​ ᒦᓇ ​ 144,000 ​ ᐅᓰᐦᑖᐘᐠ ​ ᑿᔭᐢᐠ ​ ᑭᐦᒋ ᑮᓯᑯᐏ ᐅᑭᒫᐏᐏᐣ, ​ ᑭᓭᒪᓂᑐᐤ ​ ᐅᑭᐦᒋ ᐅᑭᒫᐏᐏᐣ᙮ ​ ᑭᐢᑫᔨᐦᑖᑯᐦᑫᐏᐣ 14:1-3᙮

ᑭᓭᒪᓂᑐᐤ ​ ᐅᑭᐦᒋ ᐅᑭᒫᐏᐏᐣ ​ ᑲ ᐅᓰᐦᑖᐤ ​ ᐆᒪ ​ ᐊᐢᑭᐩ ​ ᐁ ᒥᔼᓯᐠ ​ ᑭᐦᒋ ᑭᐢᑎᑳᐣ ᐊᐢᑭᐩ᙮ ​ ᓅᑎᓂᑐᐏᐣ, ​ ᒪᒋ ᐃᑑᑕᒧᐏᐣ, ​ ᑭᑎᒫᑭᓯᐏᐣ, ​ ᐁᑿ ​ ᓅᐦᑌᐦᑲᑌᐏᐣ ​ ᑲ ᐴᓂᐸᔨᐘ᙮ ​ ᐊᔨᓯᔨᓂᐘᐠ ​ ᑖᐻ ​ ᑲ ᒥᔰᔨᐦᑕᒷᐠ᙮ ​ ᓂᑲᒧᓇ 145:16᙮