ᑭᐢᑭᓌᐦᐊᒫᑫᐏᐣ 9
ᑖᓂᐢᐲᕽ ᑳ ᒥᔼᓯᐠ ᑭᐦᒋ ᑭᐢᑎᑳᐣ ᐊᐢᑭᐩ ᑲ ᐯ ᐃᐢᐸᔨᐣ?
ᒁᑕᑭᐦᑖᐏᓇ ᐆᑕ ᐊᐢᑮᕽ ᓅᑯᐦᑖᒪᑲᐣ ᑭᓭᒪᓂᑐᐤ ᐅᑭᐦᒋ ᐅᑭᒫᐏᐏᐣ ᐑᐸᐨ ᑮᑿᐩ ᐁ ᐑ ᐃᑑᑕᕽ᙮ ᓬᐅᐠ 21:10, 11; 2 ᑎᒪᑏ 3:1-5
ᑭᐦᒋ ᒪᓯᓇᐦᐃᑲᐣ ᑲᔮᐢ ᐅᐦᒋ ᑮ ᐃᑘᒪᑲᐣ ᒥᐦᒉᐟ ᑮᑿᔭ ᑳ ᐃᐢᐸᔨᑭ ᐊᓄᐦᐨ ᑳ ᑮᓯᑳᐠ᙮ ᑮ ᐃᑘᒪᑲᐣ ᒥᐦᒉᐟ ᑲ ᓵᑭᐦᐁᐘᐠ ᓲᓂᔮᐘ, ᑲ ᓴᓰᐱᐦᑕᐍᐘᐠ ᐅᓃᑭᐦᑯᐚᐘ, ᑲ ᑯᐢᑖᑎᑯᓯᐘᐠ, ᒦᓇ ᑲ ᓵᑭᐦᑖᐘᐠ ᒥᔭᐚᑕᒧᐏᓇ᙮
ᒦᓇ ᑲ ᓇᓇᒼᐸᔨᐤ ᐊᐢᑭᐩ, ᐊᓯᒋ ᓅᑎᓂᑐᐏᓇ, ᑲ ᓅᐦᑌᐸᔨᐠ ᒦᒋᐏᐣ, ᒦᓇ ᐋᐦᑯᓯᐏᓇ ᒥᓯᐍᐢᑲᒥᐠ᙮ ᐁᐘᒁᓂ ᐊᓄᐦᐨ ᐃᐢᐸᔨᓌ᙮
ᒋᓴᐢ ᒦᓇ ᑮ ᐃᑘᐤ ᒥᔼᒋᒧᐏᐣ ᑭᐦᒋ ᐅᑭᒫᐏᐏᐣ ᐅᐦᒋ ᑲ ᑲᑫᐢᑭᒧᐘᕽ ᒥᓯᐍ ᐊᐢᑮᕽ᙮ ᒫᐟᔪ 24:14᙮
ᑭᓭᒪᓂᑐᐤ ᐅᑭᐦᒋ ᐅᑭᒫᐏᐏᓂᕽ ᐅᐦᒋ ᑲ ᐄᑲᑌᓇᒼ ᑲᐦᑭᔭᐤ ᒪᒑᑎᓯᐏᓇ᙮ 2 ᐱᑕᕒ 3:13
ᐑᐸᐨ ᒋᐦᐋᐘ ᑲ ᒥᓯᐘᓈᒋᐦᐁᐤ ᑲᐦᑭᔭᐤ ᑳ ᒪᒑᔨᐏᔨᐟ᙮
ᓭᑕᐣ ᒦᓇ ᒪᒋ ᐊᐦᒐᐦᑿᐠ ᒫᐦᒋᑿᐦᐱᑌᐤ᙮
ᐊᓂᑭ ᑳ ᓂᑐᐦᑕᐚᒋᐠ ᑭᓭᒪᓂᑐᐘ ᑲ ᐸᐢᐲᐘᐠ ᐃᑌ ᐃᓯ ᑳ ᑿᔭᐢᒁᑕᓂᔨᐠ ᐅᐢᑭ ᐊᐢᑮᕽ᙮ ᓇᒨᔭ ᑮᑿᐩ ᑲ ᑯᐢᑕᒷᐠ ᐁᑯᑕ᙮ ᐆᑕ ᐊᐢᑮᕽ, ᐊᔨᓯᔨᓂᐘᐠ ᑲ ᒪᒥᓰᑐᑖᑐᐘᐠ ᐁᑿ ᑲ ᓵᑭᐦᐃᑐᐘᐠ᙮