ᑖᓂᓯ ​ ᒫᑲ ​ ᐱᒫᑎᓯᐏᐣ ​ ᑮ ᐃᓯᓈᑿᐣ ​ ᐃᑌ ​ ᑳ ᒥᔼᓯᐠ ​ ᑭᐢᑎᑳᐣ ᐊᐢᑮᕽ?

ᒋᐦᐋᐘ ​ ᑮ ᒥᔦᐤ ​ ᐋᑕᒷ ​ ᒦᓇ ​ ᐃᐸᐘ ​ ᒥᐦᒉᐟ ​ ᒥᔪ ᑮᑿᔭ᙮ ​ ᒉᓂᓯᐢ 1:28

ᒋᐦᐋᐘ ​ ᑮ ᐅᓰᐦᐁᐤ ​ ᓂᐢᑕᒼ ​ ᐃᐢᑵᐘ, ​ ᐃᑊ, ​ ᐁᑿ ​ ᐁ ᑮ ᒥᔮᐟ ​ ᐋᑕᒷ ​ ᑳ ᐑᐏᔨᐟ᙮ ​ ᒉᓂᓯᐢ 2:21, 22᙮

ᒋᐦᐋᐘ ​ ᑮ ᐅᓰᐦᑕᒪᐍᐤ ​ ᒣᑐᓂ ​ ᐁ ᒥᔼᓯᐠ ​ ᒫᒥᑐᓀᔨᐦᒋᑲᓇ ​ ᒦᓇ ​ ᒥᔭᐘ, ​ ᓇᒨᔭ ​ ᐘᓂ ᐅᓰᐦᐁᐤ᙮

ᑮ ᐑᑭᐘᐠ ​ ᐁ ᒥᔼᓯᐠ ​ ᑭᐢᑎᑳᐣ ᐊᐢᑮᕽ, ​ ᐃᑎᐣ ​ ᐁ ᑮ ᐃᓯᔨᐦᑳᑌᐠ, ​ ᐱᑹᑌ ​ ᐁ ᒥᔼᓯᐠ, ​ ᓰᐱᐩ ​ ᑮ ᐊᔮᐤ, ​ ᒦᓂᓵᐦᑎᑿᐠ ​ ᑮ ᐊᔮᐘᐠ ​ ᐁᑿ ​ ᒦᓇ ​ ᐱᓯᐢᑭᐘᐠ᙮

ᒋᐦᐋᐘ ​ ᑮ ᐲᑭᐢᒁᑌᐤ, ​ ᑮ ᑭᐢᑭᓄᐦᐊᒪᐍᐤ᙮ ​ ᑮᐢᐱᐣ ​ ᑮ ᓂᑐᐦᑕᐍᐘᐠ, ​ ᑲ ᐊᑎ ᐱᒫᑎᓯᐘᐠ ​ ᑳᑭᑫ ​ ᐁᑯᑕ ​ ᑳ ᒥᔼᓯᐠ ​ ᑭᐢᑎᑳᐣ ᐊᐢᑮᕽ᙮

ᑭᓭᒪᓂᑐᐤ ​ ᑮ ᐃᑌᐤ ​ ᐁᑳ ​ ᑲ ᒦᒋᓱᐟ ​ ᐯᔭᐠ ​ ᒥᐢᑎᑯᕽ ​ ᐅᐦᒋ᙮ ​ ᒉᓂᓯᐢ 2:16, 17

ᒋᐦᐋᐘ ​ ᑮ ᐚᐸᐦᑎᐦᐁᐤ ​ ᐋᑕᒷ ​ ᒦᓇ ​ ᐃᐸᐘ ​ ᐯᔭᐠ ​ ᒦᓂᓵᐦᑎᑿ ​ ᑭᐢᑎᑳᓂᕽ ​ ᐅᐦᒋ ​ ᐁᑿ ​ ᑮ ᐑᐦᑕᒪᐍᐤ ​ ᑮᐢᐱᐣ ​ ᐁᑯᑕ ​ ᐅᐦᒋ ​ ᒦᒋᓱᑤᐏ, ​ ᑲ ᓂᐳᐘᐠ᙮

ᐯᔭᐠ ​ ᐅᑮᓯᑯᐤ ​ ᑮ ᒫᔦᔨᒣᐤ ​ ᑭᓭᒪᓂᑐᐘ᙮ ​ ᐁᒁᓇ ​ ᑳ ᒪᒑᑎᓯᐟ ​ ᐃᓯᔨᐦᑳᓱᐟ ​ ᓴᑕᐣ, ​ ᒪᒋ ᒪᓂᑐᐤ᙮

ᓭᑕᐣ ​ ᓇᒨᔭ ​ ᑮ ᓂᑕᐍᔨᒣᐤ ​ ᐋᑕᒷ ​ ᐁᑿ ​ ᐃᐸᐘ ​ ᑲ ᓇᐦᐃᐦᑕᐚᔨᐟ ​ ᒋᐦᐋᐘᐘ᙮ ​ ᐁᑯᓯ ​ ᑮ ᐋᐸᒋᐦᐁᐤ ​ ᑭᓀᐱᑿ ​ ᑲ ᐑᐦᑕᒪᐚᔨᐟ ​ ᐃᐸᐘ ​ ᒦᒋᒋ ​ ᒦᓂᐢ ​ ᒦᓂᓵᐦᑎᑯᕽ ​ ᐅᐦᒋ, ​ ᓇᒨᔭ ​ ᑲ ᓂᐱᐟ, ​ ᒫᑲ ​ ᑲ ᓇᐢᐱᑕᐚᐟ ​ ᑭᓭᒪᓂᑐᐘ᙮ ​ ᒫᑲ ​ ᑮ ᑭᔮᐢᑮᒣᐤ᙮ ​ ᒉᓂᓯᐢ 3:1-5᙮