ᑮ ᓂᑐᐦᑕᐍᐘᐠ ​ ᓭᑕᓇ ​ ᑖᓂᓯ ​ ᒫᑲ ​ ᑮ ᐃᐢᐸᔨᐘᐠ?

ᐋᑕᒼ ​ ᐁᑿ ​ ᐃᑊ ​ ᑮ ᓴᓰᐱᐦᑕᐍᐘᐠ ​ ᑭᓭᒪᓂᑐᐘ ​ ᐁᐘᑯ ​ ᐅᐦᒋ ​ ᑮ ᓂᐳᐘᐠ᙮ ​ ᒉᓂᓯᐢ 3:6, 23

ᐃᑊ ​ ᑮ ᓂᑐᐦᑕᐍᐤ ​ ᑭᓀᐱᑿ ​ ᐁᑿ ​ ᑮ ᒦᒋᐤ ​ ᒦᓂᐢ᙮ ​ ᒭᐢᑕᐢ ​ ᑮ ᒥᔦᐤ ​ ᐋᑕᒷ, ​ ᐁᑿ ​ ᑮ ᒦᒋᐤ ​ ᐑᐢᑕ᙮

ᑮ ᒪᒋ ᐃᑑᑕᒷᐠ, ​ ᑮ ᐹᐢᑖᐦᐅᐘᐠ᙮ ​ ᑭᓭᒪᓂᑐᐤ ​ ᑮ ᐘᔭᐑᑎᓴᐦᐍᐤ ​ ᐁ ᒥᔼᓯᐠ ​ ᑭᐢᑎᑳᐣ ᐊᐢᑮᕽ ​ ᐅᐦᒋ᙮

ᑮ ᐋᔨᒥᐦᐅᐘᐠ ​ ᐁᑿ ​ ᒦᓇ ​ ᐅᒐᐚᓯᒥᓯᐚᐘ᙮ ​ ᑮ ᐊᑎ ᑫᐦᑌ ᐊᔨᐏᐘᐠ ​ ᒦᓇ ​ ᑮ ᓂᐳᐘᐠ᙮ ​ ᓇᒨᔭ ​ ᑮ ᐃᑐᐦᑌᐘᐠ ​ ᐊᐦᒐᐦᑯᐏ ᐊᐢᑮᕽ, ​ ᓇᒨᔭ ​ ᐊᔨᐚᐠ ​ ᐃᐦᑕᑯᐘᐠ᙮

ᐅᓂᐱᐘᐠ ​ ᐯᔭᑿᐣ ​ ᐊᓂᒪ ​ ᐊᓯᐢᑭᐩ ​ ᐁᑳ ​ ᑳ ᐱᒫᑕᕽ᙮ ​ ᒉᓂᓯᐢ 3:19

ᑲᐦᑭᔭᐤ ​ ᑭᓂᐱᓇᐤ ​ ᐅᓵᒼ ​ ᐁ ᐅᐦᒌᔭᕽ ​ ᐋᑕᒼ ​ ᐁᑿ ​ ᐃᑊ᙮ ​ ᐊᐏᔭᐠ ​ ᑳ ᓂᐱᐟ ​ ᓇᒨᔭ ​ ᐚᐱᐤ ​ ᒦᓇ ​ ᐯᐦᑕᒼ ​ ᐊᐦᐴ ​ ᓇᒨᔭ ​ ᐃᑑᑕᒼ ​ ᑮᑿᐩ᙮ ​ ᐃᑭᓬᐃᓯᔮᐢᑎᐢ 9:5, 10᙮

ᒋᐦᐋᐘ ​ ᓇᒨᔭ ​ ᐑᐦᑳᐨ ​ ᑮ ᓂᑕᐍᔨᒣᐤ ​ ᐊᔨᓯᔨᓂᐘ ​ ᑲ ᓂᐱᔨᐟ᙮ ​ ᒭᐢᑕᐢ ​ ᑲ ᐘᓂᐢᑳᓀᐤ ​ ᐊᓂᐦᐃ ​ ᑳ ᑮ ᓂᐹᔨᐟ ​ ᓂᐳᐏᓂᕽ ​ ᐅᐦᒋ᙮ ​ ᑮᐢᐱᐣ ​ ᓂᑐᐦᑕᐚᑤᐏ, ​ ᑳᑭᑫ ​ ᑲ ᐱᒫᑎᓯᐘᐠ᙮