LO KOUVERTIR | ESKI LAFEN LEMONN I PROS?
Bokou dimoun pou sirviv lafen lemonn—Ou kapab ou osi
Labib i dir nou ki pou annan en destriksyon zour lafen lemonn, “Sa pou en lepok gran soufrans, [oubyen “gran ladetres,” NW] pli terib ki tou sa ki’n deza annan avan, depi konmansman lemonn ziska konmela . . . Me si sa bann zour pa ti’n diminyen personn pa ti pou sove.” (Matye 24:21, 22) Me Bondye i promet nou ki bokou dimoun pou sirviv, “Lemonn pou disparet . . . , me sa ki fer lavolonte Bondye i reste eternelman.”—1 Zan 2:17.
Si ou anvi sirviv destriksyon sa lemonn e “reste eternelman” lo later, ki ou merit fer? Eski ou devret konmans stor bann komodite oubyen fer lezot demars pour prepar ou? Non. Labib i ankouraz nou pour annan lezot priyorite. Nou lir, “Parski tousala pou ganny detri, ki kalite lavi zot devre viv? Zot devre anmenn en lavi sen e annan respe pour Bondye, letan zot pe esper sa zour, an fezan zot mye pour fer sa zour vin pli vit.” (2 Pyer 3:10-12) Konteks sa verse i montre ki “tousala” ki pou ganny detrir, i enkli bann dirizan sa lemonn koronpi ensi ki tou sa bann ki swazir dominasyon sa bann dirizan olye dominasyon Bondye. I kler alor ki menm si nou stor bann keksoz materyel, sa pa pou sov nou kont sa destriksyon.
An realite, si nou anvi sirviv nou bezwen annan en latasman avek Bondye e aprann konsernan kondwit ek bann aksyon ki fer li plezir. (Tsefanya 2:3) Nou bezwen kontinyen “esper sa zour” olye swiv lamazorite dimoun ozordi ki inyor bann diferan laspe sa siny ki montre klerman ki nou pe viv dan en letan sitan enportan. Temwen Zeova i kapab montre ou dapre Labib ki mannyer ou kapab sirviv sa zour ki pou vini byento.