Ki Labib i dir?

Eski Bondye i annan en non?

SERTEN DIMOUN I DIR ki i napa en non, lezot i dir ki i Bondye oubyen Senyer e menm lezot i dir ki i annan en douzenn non. Ki ou panse?

KI LABIB I DIR

“Ou, ki ou non i Zeova, ou tousel ki Tre O lo later antye.”​—Psonm 83:18, NW.

KWA ANKOR KI NOU KAPAB APRANN DAN LABIB?

• Menm si Bondye i annan bokou tit, in donn son lekor zis en non.​—Egzod 3:15.

• Bondye i pa en mister, i anvi ki nou aprann konn li.​—Akt 17:27.

• Konn non Bondye i kapab sa premye pa pour vin son zanmi.​—Zak 4:8.

Eski i mal pour pronons non Bondye?

KI OU TI POU DIR?

• Wi

• Non

• I depan

KI LABIB I DIR

“Zot pa devret pran non Zeova zot Bondye konman nanryen ditou.” (Egzod 20:7) Sel letan ki i mal pour servi non Bondye, i ler i ganny servi san okenn respe.​—Zeremi 29:9.

KWA ANKOR KI NOU KAPAB APRANN DAN LABIB?

• Zezi ti konn non Bondye e i ti servi li.​—Zan 17:25, 26, NW.

• Bondye i envit nou pour adres li par son non.​—Psonm 105:1.

• Bann lennmi Bondye i esey fer bann dimoun oubliy son non.​—Zeremi 23:27.