Ki Labib i dir?

Eski en zour pou annan vre lazistis lo later?

Ki ou pou dir?

• Wi

• Non

• Petet

Ki Labib i dir

“Mon konnen ki [Zeova] pa oubliy bann malere e ki i rann zizman an faver bann pov.” (Psonm 140:12) Rwayonm Bondye pour anmenn vre lazistis lo later.

Kwa ankor ki nou aprann dan Labib?

• Zeova i vwar tou lenzistis ki annan dan lemonn e i pou aranz keksoz.​—Eklezyast 5:8.

• Lazistis sorti kot Bondye pou anmenn lape ek sekirite lo later.​—Izai 32:16-18.

Eski Bondye i kontan en serten kalite dimoun plis ki lezot?

Serten dimoun i krwar ki Bondye in beni oubyen donn malediksyon serten group dimoun tandis ki lezot i krwar ki Bondye i tret tou dimoun parey. Ki ou panse?

Ki Labib i dir

“Bondye pa fer lapreferans, me dan tou nasyon, sa ki annan en gran respe pour li e ki fer sa ki drwat i ganny son laprouvasyon.” (Akt 10:34, 35) Dan lizye Bondye, tou dimoun i egal.

Kwa ankor ki nou aprann dan Labib?

• Labib i annan “bon nouvel” pour “tou nasyon, tribi, langaz ek pep.”​—Revelasyon 14:6.