Ki pour dir lo bann Magazin

Latour Veyer 1 Mars

“Eski ou’n deza mazinen konman pour diriz ou lavi pli byen e fer bann desizyon enportan? [Les sa dimoun reponn.] Serten bon gidans, tel konman Lareg D-or, i ganny trouve dan Labib. [Lir Matye 7:12.] Ki lezot prensip Bondye ki kapab benefisye nou direkteman? Ou pou trouv larepons dan sa magazin.”

Awake! 22 Fev.

“Petet ou’n remarke ki en kantite landrwa travay in vin pli danzere. Sa magazin i donn bann bon sizesyon lo konman pour kapab fer sa bann landrwa vin pli an sekirite. I osi montre ki nou byennet i relye avek si nou annan en pwenn-vi balanse lo travay profann. Silvouple lir sa magazin.”

The Watchtower 1 Mars

“Avek tou sa bann keksoz ki pe arive ozordi, laplipar nou, nou pe demande ki lavenir i rezerve. Dan en lapriyer ki nou tou nou konnen, Zezi Kri ti revel rezon akoz nou kapab regard lavenir avek konfyans. [Lir Matye 6:9, 10.] Limanite pe repet menm fot ki ti ganny komet en bon pe letan pase. Me dan sa letan, bann ki ti servi Bondye ti annan en lavenir ere. Sa magazin i montre konman nou osi nou kapab annan en lavenir ere.”

Awake! 8 Mars

“Labib i met lanfaz lo lenportans pour bon ledikasyon. [Lir Proverb 2:10, 11.] Laplipar nou, nou realize ki i esansyel ki bann zanfan i annan bann ansennyan kalifye. Sa magazin, i fer resorti rol fondamantal bann ansennyan, konman nou devret apresye zot sakrifis, e ki paran i kapab fer pour ed zot dan zot latas difisil.”