Lanons

◼ Piblikasyon pour ofer an Zanvye: Nenport liv 192 paz ki’n ganny pibliye avan 1988 i kapab ganny ofer. Bann kongregasyon in ganny ankouraze pour servi liv Votre survie ek Bonheur familial, bann ki napa sa bann liv i kapab ofer liv L’humanité à la recherche de Dieu. Fevriye: Nou pou ofer sa nouvo liv Approchez-vous de Jéhovah. Bann kongregasyon ki napa sa nouvo piblikasyon i kapab ofer La Bible: Parole de Dieu ou des hommes. Mars: Konnesans Ki Anmenn ver Lavi Eternel, e fer en zefor spesyal pour konmans bann letid Labib kot lakour. Avril ek Me: Latour Veyer ek Réveillez-vous! Kan nou pe fer retourn vizit, nou kapab ofer sa liv Ador sa sel vre Bondye. Nou devret fer zefor posib pour konmans en letid Labib, sirtou si sa bann dimoun in deza etidye liv Konnesans ek brosir Ekspekte.

◼ Apartir Fevriye, e pa plitar ki le 2 Mars, nouvo diskour piblik sirveyan rezyonal pou “Delivrans avek sa Lemonn ki dan Teneb.”

◼ Bann kongregasyon i devret fer laranzman pour obzerv Memoryal pour sa lannen, Merkredi le 16 Avril, apre soley kouse. Kantmenm diskour i kapab konmans pli boner, bann lanblenm pa devret konmans pase avan soley kouse. Vwar avek bann lotorite lokal pour determin ler ki soley pou kouse dan ou rezyon. Kot i annan plizyer kongregasyon ki servi menm Lasal Rwayonm, petet serten kongregasyon i kapab servi en lot fasilite pour sa zour. Kot i posib, nou sizer en minimonm 40 minit ant bann progranm afen ki nou tou nou kapab benefisye plennman sa ki pou deroule dan sa lokazyon. Konsiderasyon i osi devret ganny pran pour kondisyon trafik ek parking, enkli debark e pran bann pasaze. Konsey bann ansyen i devret deside ki laranzman ki pou pli meyer lokalman.

◼ Apartir sa mwan, lalis bann nouvo piblikasyon pou nepli aparet dan Nou Minister Rwayonm. Sa lenformasyon pou ganny anvoye avek tou kongregasyon sak mwan. Kan sa let in ganny resevwar, en lanons i devret ganny fer dan prosenn Renyon Servis konsernan bann piblikasyon ki kapab enteres kongregasyon. Sa papye lanons i kapab ganny mete lo bord lenformasyon. Apre sa, sa frer ki okip piblikasyon i devret gard li dan son fayl.

◼ En sanzman in ganny fer dan lafason ki Lekol Minister Teokratik pou deroule pandan vizit sirveyan rezyonal. Konmansman Zanvye 2003, apre premye kantik ek lapriyer, lekol pou ganny fer pour 25 minit. La, pou annan en diskour 5 minit lo pwen lansennyman, 10 minit diskour lenstriksyon, ek 10 minit pwen biblik enteresan. Ekspoze No. 2, 3, ek 4 pa pou ganny prezante. Lekol pou kontinyen avek Renyon Servis pour 30 minit. Apre kantik, pou annan en progranm 30 minit par sirveyan rezyonal, swivi par kantik ek lapriyer final.