Progranm Renyon Servis

Semenn le 13 Zanvye

Kantik 69

10 min: Lanons lokal. Lanons apropriye dan Nou Minister Rwayonm. Par servi sizesyon lo paz 4, fer de demonstrasyon separe pour montre konman pour prezant Latour Veyer le 1 Zanvye ek Réveillez-vous! le 8 Zanvye. Tou le de magazin konman en per i devret ganny ofer dan tou le de demonstrasyon, menm si zis enn ki ganny prezante.

15 min: Aksepte Lafwa san Laparol. Diskour ek diskisyon avek lodyans. Bon kondwit Kretyen i en temwannyaz pwisan. I pous serten msye ouswa madanm marye ki pa Temwen pour vin bann adorater Zeova. (1 Pyer 3:1, 2) Rakont bann leksperyans ki ganny trouve dan Latour Veyer le 1 Zanvye, 1999 paz 4; Latour Veyer le 1 Oktob, 1995 paz 10-11; ek Annuaire 1995, paz 46. Fer laranzman davans pour de oubyen trwa komanter ganny fer lo bann rezilta pozitif ki’n zot in obzerve kan zot in swiv konsey Labib dan sa laspe.

20 min: “Viv an akor avek nou Dedikasyon.”a Apre ki paragraf 3 in ganny egzaminen, briyevman entervyou en zenn adilt oubyen en adolesan ki’n batize. Ki bann difikilte ki i’n rankontre depi ki i’n batize? Kwa ki’n ed li pour fer fas avek sa bann difikilte? Konman ki i’n benefisye akoz in dedye son lavi avek Zeova?

Kantik 22 ek lapriyer final.

Semenn le 20 Zanvye

Kantik 44

8 min: Lanons lokal. Rapor kont.

15 min: Eski ou pe egzamin Labib sak Zour? Diskour ek diskisyon avek lodyans. Ankouraz tou dimoun pour byen servi Egzamin Labib sak Zour—2003. Diskit bann komanter ki trouve dan lentrodiksyon lo paz 3-4. Donn bann sizesyon konman bann fanmiy i kapab diskit teks ansanm. Pour montre bann byenfe kan nou egzamin teks sak zour, diskit de oubyen trwa legzanp teks ek komanter ki aparet dan sa mwan ki swiv. Enkli en pti demonstrasyon kot en msye ek son madanm pe egzamin ansanm teks pour ozordi ek son komanter.

22 min: “Ansenny lezot Langaz pir.”b Apre ki paragraf 6 in ganny egzaminen, fer en proklanmater kalifye demontre konman pour konmans en letid Labib devan laport kan pe fer retourn vizit. I pou servi enn bann prezantasyon dan sipleman Nou Minister Rwayonm Zanvye 2002, paz 4. Egzamin osi en paragraf dan brosir Ekspekte. Sa proklanmater pou konklir son konversasyon par lev en kestyon lo lot paragraf e fer laranzman pour reponn sa kestyon lo prosenn vizit. Ankouraz tou dimoun pour vwar si okenn dimoun ki zot vizite, i kapab anvi etidye Labib dan sa fason.

Kantik 68 ek lapriyer final.

Semenn le 27 Zanvye

Kantik 92

10 min: Lanons lokal. Rapel bann proklanmater pour remet zot rapor. An servan sizesyon lo paz 4, fer de demonstrasyon separe pour montre konman pour prezant Latour Veyer le 15 Zanvye (Angle/Franse) ek Réveillez-vous! le 22 Zanvye. Dan sak demonstrasyon, fer sa proklanmater konklir son konversasyon par donn sa met lakour sa trak Eski ou ti a kontan konn plis lo Labib? Sa proklanmater i ofer sa trak avek sa enn ki aksepte magazin ek en lot ki pa aksepte. Eksplike briyevman konman nou kapab retournen pour vizit bann avek ki nou’n kit magazin ansanm avek sa trak.—Vwar Nou Minister Rwayonm Novanm 2001, p. 4, par. 10.

15 min: Bezwen lokal.

20 min: Ed lezot pour Apros avek Zeova. Diskour ek diskisyon avek lodyans. Nou pou ofer sa nouvo liv pandan mwan Fevriye. Diskit sa not pour bann lekter lo paz 3, e aksantye serten laspe sa liv. Dan sa kat seksyon, sakenn i konsantre lo en kalite prensipal Zeova. Dan sak seksyon i annan en sapit ki montre konman Zezi ti demontre sa kalite e en sapit ki diskite konman nou kapab fer parey. I annan 17 paz ki kontyen bann senn biblik, ki sa desen i ranpli paz antye. “Éléments de méditation” i ed nou pour reflesir lo lezot laspe enportan en size. Reviz sa bwat “Bann Sizesyon pour prezant Approchez-vous de Jéhovah,” e fer en proklanmater kalifye demontre enn sa bann prezantasyon.

Kantik 124 ek lapriyer final.

Semenn le 3 Fevriye

Kantik 9

15 min: Lanons lokal. Reviz Kwen Kestyon. Ankouraz bann proklanmater pour byen servi bann piblikasyon ki nou annan dan langaz ki ganny koze an Lenn, Kenya, Madegaskar, ek Filipin, eksetera.

12 min: Imit zot Lafwa. Entervyou en ansyen ki’n servi Zeova avek limite ek fidelite pour bokou lannen. (Ebr. 13:7) Konman i ti aprann laverite? Ki bann lobstak ki i’n sirmonte pour kapab pran pozisyon pour laverite? Ki bann provizyon spirityel ek lankourazman ki’n ed li progrese? Ki i ti fer pour arive kalifye konman en ansyen dan kongregasyon? (1 Tim. 3:1) Kwa ki’n ed li pour balans bann responsabilite kongregasyon avek lobligasyon familyal ek profann? (1 Tim. 5:8) Konman i santi konsernan privilez pour asiste lezot dan kongregasyon?

18 min: “En Travay ki demann annan limilite.”c Ler pe diskit paragraf 3, envit lodyans pour donn bann sizesyon lo konman pour reponn si en dimoun dan teritwar i esey ridikil nou oubyen ensilte nou, fer kankan, oubyen ankoler. Ler pe diskit paragraf 4, enkli bann komanter dan Étude perspicace, Volim 1, paz 1160, paragraf 3 an Angle e Volim 1, paz 1158, paragraf 2 an Franse.

Kantik 133 ek lapriyer final.

[Not anba lo paz]