Progranm Renyon Servis

Semenn le 14 Zilyet

Kantik 56

10 min: Lanons lokal. Lanons apropriye dan Nou Minister Rwayonm. Par servi bann sizesyon lo paz 4, fer de demonstrasyon lo konman Latour Veyer le 1 Zilyet ek Réveillez-vous! le 8 Zilyet i kapab ganny prezante dan teritwar. Dan sak demonstrasyon, tou le de magazin i devret ganny ofer ansanm, menm si zis enn ki ganny prezante.

15 min: Konman Ladorasyon Zeova i anrisir nou Lavi? Diskisyon avek lodyans. Vre ladorasyon i esansyel pour en lavi ere e ki fer sans. (1) I ed nou pour fer fas avek bann problenm ek bann traka lavi. (Fili. 4:6, 7) (2) I ankouraz nou pour kiltiv bann kalite ki fer plezir Bondye. (2 Pyer 1:5-8) (3) I ed nou pour servi nou letan ek resours dan en fason ki vo lapenn. (1 Tim. 6:17-19) (4) I donn nou en lesperans asire pour lavenir. (2 Pyer 3:13) (5) I ed nou pour devlop en relasyon entim avek Zeova. (Zak 4:8) Fer resorti bann diferans pour montre konman bann ki pa servi e konn Zeova napa sa bann keksoz.

20 min: “Rekonesans pour Mizerikord Bondye.”a Ler pe diskit paragraf 3, donn bann sizesyon pour konmans anmenn magazin tou le mwan kot en dimoun, baze lo Nou Minister Rwayonm Oktob 1998, paz 8 (Angle/Franse). Demann enn oubyen de proklanmater kalifye ki metod zot in vwar i efikas pour konmans bann letid Labib. Ankouraz tou dimoun pour fer li zot lobzektif pour konmans en letid Labib.—om p. 91.

Kantik 176 ek lapriyer final.

Semenn le 21 Zilyet

Kantik 184

10 min: Lanons lokal. Rapor kont.

10 min: “Nouvo Progranm Lasanble rezyonal.” Diskour ek diskisyon avek lodyans. Anons dat pour prosenn lasanble rezyonal. Si kongregasyon pou asiste lasanble dan sa detrwa mwan ki pe vini, mansyonnen ki bann ki swete batize i devret enform sirveyan prezidan. Ankouraz tou dimoun pour fer en zefor spesyal pour envit bann etidyan Labib e pour prezan pour tou sesyon.

25 min: Imit zot Lardyes pour prese. Diskisyon avek lodyans baze lo liv Ador Bondye, paz 170-1. Envit lodyans pour reponn bann kestyon dan paragraf 7 e enkli bann verse ki’n ganny site dan zot komanter. Swazir ennde verse pour lir. Fer resorti leson ki nou aprann atraver sa bann resi e konman zot ed nou pour annan en bon pwennvi lo nou travay predikasyon.

Kantik 201 ek lapriyer final.

Semenn le 28 Zilyet

Kantik 45

10 min: Lanons lokal. Rapel bann proklanmater pour remet zot rapor servis pour mwan Zilyet. Par servi sizesyon lo paz 4, fer de demonstrasyon pour montre konman pour prezant Latour Veyer le 15 Zilyet (Angle/Franse) ek Réveillez-vous! le 22 Zilyet. Dan sak prezantasyon, tou le de magazin i devret ganny ofer ansanm, menm si zis enn ki ganny prezante. Dan enn ant le de demonstrasyon, montre en proklanmater pe donn temwannyaz enformel.

15 min: Bezwen lokal.

20 min: “Pres avek Group i anmenn Lazwa.”b Ler pe diskit paragraf 3, enkli komanter lo Kwen Kestyon dan Nou Minister Rwayonm Septanm 2001. Briyevman entervyou en sirveyan Letid Liv Kongregasyon. Demann li konsernan bann laranzman predikasyon ki i’n fer pour son group e konman sa group i benefisye kan zot pres avek kanmarad.

Kantik 36 ek lapriyer final.

Semenn le 4 Out

Kantik 178

10 min: Lanons lokal. Mansyonn piblikasyon ki pour ofer sa mwan. Fer enn oubyen de prezantasyon bref konman en legzanp ki kapab ganny servi.

20 min: “Ofer Piblikasyon dan Teritwar kot i annan Dimoun ki koz diferan Langaz.”c Servi bann kestyon ki’n ganny fourni. Ler pe egzamin paragraf 3, fer en senp prezantasyon dan en lot langaz ki dimoun i koze dan nou teritwar e ki napa kongregasyon ki koz sa langaz.—km 7/02 p. 1 par. 4.

15 min: Bann Zenn pe loue Zeova! Diskour ek diskisyon avek lodyans e osi entervyou. Nou kontan kan nou tann bann zenn pe donn bann bon komanter dan renyon. Zot zefor ek progre dan Lekol Minister Teokratik i en plezir pour vwar. Zot demontre lafwa senser ler zot donn en bon temwannyaz dan predikasyon. Zot bon kondwit i onor Zeova. (yb88 p. 53-4) Zot progre spirityel i etablir en fondasyon pour bann privilez dan lavenir. Briyevman entervyou enn ouswa de zenn Kretyen ki kontan partisip regilyerman dan bann aktivite kongregasyon. Senserman felisit bann zenn dan kongregasyon pour zot bon zefor pour loue Zeova.

Kantik 49 ek lapriyer final.

[Not anba lo paz]