Progranm Renyon Servis

Semenn le 12 Zilyet

Kantik 108

12 min: Lanons lokal. Lanons apropriye dan Nou Minister Rwayonm. Servi bann sizesyon lo paz 4 pour demontre konman pour prezant Latour Veyer le 1 Zilyet ek Réveillez-vous! le 8 Zilyet. Dan enn ant le de demonstrasyon, montre pe ofer en magazin avek en dimoun lo semen ki pa koz byen nou langaz.

18 min: “Imit Lazistis Zeova.”a Si letan i permet, envit lodyans pour fer komanter lo bann verse ki’n ganny mansyonnen.

15 min: Labib—En Liv ki annan bann Prediksyon ki nou kapab depan lo la. Diskour ek diskisyon avek lodyans baze lo brosir Un livre pour tous, paz 27-9. Dan nou predikasyon, nou souvan rankontre bann dimoun ki enterese avek lavenir. Labib i fourni lenformasyon ki nou kapab depan lo la ki dekrir en lavenir merveye pour bann imen obeisan. Diskit serten profesi Labib ki ogmant konfyans dan bann prediksyon Labib pour lavenir. An bref, fer en proklanmater demontre konman bann levennman Labib i kapab ganny servi pour ed en dimoun enterese annan konfyans dan Labib.

Kantik 16 ek lapriyer final.

Semenn le 19 Zilyet

Kantik 83

10 min: Lanons lokal. Diskit lenportans pour gard en progranm lektir Labib regilye, menm ler lezot aktivite i deranz nou progranm toulezour. Enkli komanter dan Latour Veyer le 15 Out, 2000, paz 32 (Angle/Franse).

15 min: Bezwen lokal.

20 min: “Kondwir bann Letid Labib ki progrese—Premye Parti.” En diskour ki pou ganny prezante par sirveyan servis. Les lodyans fer komanter lo lenformasyon dan liv Prédicateurs, paz 572-4, ki dekrir listwar sa progranm pour etidye Labib avek dimoun dan nou letan. Kree lantouzyasm pour bann prosenn lartik. Parmi bann topik ki pou ganny egzaminen i ki mannyer pour prepare pour kondwir letid, ki mannyer pour ed sa etidyan prepare, ki kantite lenformasyon pou kouver, ki mannyer pou servi bann verse Labib dan en fason efikas, ki pou fer ler en etidyan i demann kestyon, konman pou entrodwir lapriyer, e konman pou diriz sa etidyan ver lorganizasyon. Ankouraz tou dimoun pour aplik bann sizesyon ki ganny donnen e gard sa bann lartik pour referans plitar.

Kantik 10 ek lapriyer final.

Semenn le 26 Zilyet

Kantik 216

12 min: Lanons lokal. Rapor kont. Rapel bann proklanmater pour remet zot rapor servis pour mwan Zilyet. Par servi bann sizesyon lo paz 4, montre konman pour prezant Latour Veyer le 15 Zilyet (Angle/Franse) ek Réveillez-vous! le 22 Zilyet. Dan sak demonstrasyon, montre konman pour sirmont sa lobzeksyon “Akoz zot pas devan laport dimoun souvan?”—Vwar liv Comment raisonner, paz 20.

8 min: Kwen Kestyon. I pou ganny prezante par en ansyen. Lir e diskit lartik antye.

25 min: “Konman pour pres dan Teritwar Biznes.”b Mansyonn bann laranzman pour travay dan nou bann teritwar biznes. An bref, demontre de prezantasyon dan paragraf 4-5 ouswa en lot lapros ki’n efikas lokalman. Si i annan ase letan, envit lodyans pour rakont bann leksperyans ankourazan ki zot in gannyen ler zot ti pe travay dan teritwar biznes.

Kantik 173 ek lapriyer final.

Semenn le 2 Out

Kantik 60

13 min: Lanons lokal. Repas lo serten pwen enportan dan Nou Minister Rwayonm pour mwan Avril an rapor avek Lasanble Distrik.

22 min: Eski ou donn bann Rezon? Diskour ek diskisyon baze lo liv Lekol Minister, paz 254, paragraf 1-2. Ler nou eksplik e aplik bann verse Labib dan predikasyon e lo lestrad, nou lansennyman pou vin pli efikas si nou donn bann rezon pour sa ki nou dir olye zis dir ki i vre. Par servi bann legzanp dan liv Comment raisonner ouswa lezot piblikasyon ki apropriye pour nou teritwar, montre konman pour (1) swazir e eksplik bann lekspresyon enportan dan en verse Labib, (2) donn levidans dan konteks ouswa dan en lot verse ki koz lo sa size pour siport sa size, (3) servi en legzanp pour montre ki sa ki ou’n dir i rezonnab, e (4) servi kestyon pour ed bann ki pe ekoute pour rezonn lo sa size. Fer resorti bann byenfe pour servi en lapros ki fer rezonnen.

10 min: Bann leksperyans lokal. Envit lodyans pour rakont bann leksperyans ankourazan an rapor temwannyaz enformel, pionye asistan, ouswa partisip dan lezot aktivite spirityel.

Kantik 32 ek lapriyer final.

[Not anba lo paz]