Lanons

◼ Zanvye: Konnesans Ki Anmenn ver Lavi Eternel oubyen nenport pli vye liv ki kongregasyon i kapab annan dan stok. Si sa dimoun pa oule sa liv, ou kapab ofer osi brosir Kontinyen Veye. Fevriye: Apros avek Zeova. Mars: Ki Labib i vreman dir? e fer en zefor spesyal pour konmans bann letid Labib. Avril ek Me: Latour Veyer ek Awake! Fer bokou zefor pour plas sa liv Ki Labib i dir, avek bi pour konmans en letid Labib. Nou kapab fer sa kan nou pe retournen pour vwar bann dimoun ki ti montre lentere, enkli sa bann ki ti asiste memoryal oubyen lezot rasanbleman, me ki pa pe asosye avek kongregasyon.

◼ Depi Fevriye e pa pli tar ki le 4 mars, nouvo diskour piblik sirveyan rezyonal pou, “Lekel ki pou kalifye pour antre dan Nouvo Lemonn Bondye?”

◼ Nou pou egzamin sa video Young People Ask—What Will I Do With My Life? dan renyon servis an Avril. Si i neseser, bann kopi i devret rekomande par kongregasyon osito posib.

◼ Nou bann piblikasyon dan langaz Sinwan i ganny pibliye dan de kalite lekritir. Dimoun sorti Hong Kong ek Taywann zot lir sa lekritir tradisyonnel ki nou apel “Sinwan” (CH). Laplipar lezot lekter Sinwan zot abitye lir sa lekritir pli senp ki apel “Sinwan senplifye” (CHS). Vi ki sa lekritir ki en dimoun i lir napa nanryen pour fer avek ler i pe koz Cantonese, Mandarin, oubyen lezot dyalek, i enportan pour konn sa lekritir ki sa dimoun i prefere. Pour fer en konparezon ant sa de kalite lekritir servi sa pti liv Good News for People of All Nations, lo paz 19-20. Sa pou permet ou rekomann sa bon piblikasyon.

◼ Bann kongregasyon i devret fer bann bon laranzman pour obzerv Memoryal sa lannen ki tonm Lendi le 2 Avril, apre soley kouse. Menm si diskour i kapab konmans pli boner, bann lanblenm pa devret konmans pase avan soley kouse. Vwar avek bann lotorite lokal pour konnen ki ler soley pou kouse dan ou rezyon. I ti a pli bon si sak kongregasyon i obzerv son prop Memoryal. Me sa i kapab pa toultan posib. Kot i annan plizyer kongregasyon ki servi menm Lasal Rwayonm, petet serten i kapab servi en lot fasilite pour sa zour. Kot i posib, nou sizer en minimonm 40 minit ant bann progranm pour ki tou dimoun i kapab benefisye plennman atraver sa lokazyon. Konsiderasyon i devret osi ganny pran pour kondisyon trafik ek parking, enkli laranzman pour anmenn e al sers bann frer ek ser. Konsey bann ansyen i devret deside ki laranzman ki pou pli meyer lokalman.

◼ Bann sekreter kongregasyon i devret gard kopi sa pioneer appointment letter (S-202) pour sak pionye ordiner dan kongregasyon. Si napa, silvouple enform biro brans.